السلام عليكم ورحمة الله وبركاته

الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها

يعني باختصار نبا تقييم شااامل عنها

الي يحب يشارك يتفضل يقول رايه عشان الكل يستفيد من هذا الموضوع

129 thoughts on “الكزس اليديد Lx 570 *ايجابياته وسلبياته*”

  1. ههههه معذوور

    على العموم انا اصلا من قبل كنت حاط فبالي امر على الوكالتين ( لكزس & انفنتي ) واسوي مقارنات بينهم

    ان شاء الله اول ما افضى بسوي هالمقارنه D:

  2. حبيبي انته يالعيناوي ..

    على فكره كلامك صحيح … من ناحية انه بعض المواصفات كانت موجوده في السيارات الاخرى .. بس لاتنسى انه اليابانيين يتبنون فكرة ويطورونها ..

    يعني مثلا بخصوص الهايدرولك .. كلامك صحيح انه الرنج يمكن اول فورويل كان فية هايدولويك .. اعتقد من سنة 1992 .. بس فذمتك .. من سنة 92 الين 2009 .. اعتقد 99.9% من الرنجات يخترب الهايدروليك فيهم قبل لا يكملن 3 او 4 سنوات ..

    من ناحية أخرى اللكزس اعتمدت هذي التقنية سنة 98 .. وماشاء الله الشباب لاعبين بهن لعب فالبر والهايدليك ما قال قيق الا من رحم ربي!!!

    وشي ثاني.. ممكن اتقولي فورويل واحد فية رادار؟؟ لا اتقولي هذي ميزة قديمة وموجودة من الحرب العالمية الاولى في ال……..

    ابا فورويل .. مش صالون ..

    الشي الاخير .. ممكن تعطيني فورويل (من الفئة الفخمة)

    يجمع الصفات التالية ..عملانية السيارات اليابانية وتقنيات السيارات الالمانية وراحة السيارات الامريكية وفخامة السيارات الانجليزية؟

    وتبقى الملكة متربعة على عرشها الى أن يثبت العكس..

    أخوي العيناوي .. لاتزعل مني بس اشوفك وايد منحاز للانفنيتي.. واللي للأسف ما تتقارن مع اللكزس لانة فئتها مختلفة .. اللكزس تتقارن مع الاساكاليد، الرنج (مش الاسبورت) و المرسدس Gl ..
    لو خيروك بوحده منهم شو بتختار؟؟ واي وحده تحس انها تستاهل سعرها مقارنة باللي ااتقدملك اياه من رحابة وفخامة و تقنية وافضل سعر في البيع؟؟

    اترك الاجابة لك..

    وتقبل مودتي

  3. الله يزيدك ياخوي ويباركلك ..

    بس ماجاوبتني… ابا سيارة فخمة وفيها تقنيات اكثر من اللكزس.. عشان نسوي مقارنة

    مايهم اذا كانت يابانية كورية المانية ايطالية .. المهم سيارة اتكون افضل من اللكزس من وجهة نظرك ..

    الى ان تاتي باسم السيارة .. ستبقى اللكزس متربعة على عرش افخم فورويل عرفة العالم حتى اليوم


    أفخم فورويل في العالم ؟؟؟ كلمة كبيرة لا يحكمها العواطف أو حب السيارة

    عندك مصدر للكلمة هاذي ولا انت خليته يتربع على هالعرش

    وبخصوص المقارنة بتطلع ناقصة تعرف ليش

    لانه مهما يبت لك سيارة بتطلع مواصفات موجودة في اللكزس ومابتكون موجود فيه

    وبتكون فيه مواصفات مش موجودة في اللكزس

    كل سيارة وحسب استخدامها

    يبتو لي مواصفات وقلتوا بهالتقنيات تفوق اللكزس على الالماني ولهالسبب يستاهل سعره

    فبينت لكم انها مواصفات بالية تستخدمها الشركات منذ فترة وبشكل أكثر تطورا من الموجودة باللكزس

    رديت انت وقلت ول كان سعره 400 الف باخذه

    مع انه هالسنة اللكزس نزل ترتيب الجودة والفخامة فيه حسب الاحصائيات العالمية

    يعني السالفة سالفة عناد وحب في السيارة مب مواصفات وتقنية

    فماراح نستفيد من عمل اي مقارنة


  4. الحمد لله

    نطول اللي أكبر من اللكزس بس مانباه مش تكبر بس توضيح

    وليش نسوي مقارنة اصلا والأمور واضحة

    انتوا تقولون تقنية اللكزس متفوقة على التقنية الألمانية

    طلعت في تقنية يابانية وأرخص بعد

    الله يزيدك ياخوي ويباركلك ..

    بس ماجاوبتني… ابا سيارة فخمة وفيها تقنيات اكثر من اللكزس.. عشان نسوي مقارنة

    مايهم اذا كانت يابانية كورية المانية ايطالية .. المهم سيارة اتكون افضل من اللكزس من وجهة نظرك ..

    الى ان تاتي باسم السيارة .. ستبقى اللكزس متربعة على عرش افخم فورويل عرفة العالم حتى اليوم

  5. اللي مايطول العنب… يقول عنه حامض..

    والله انه اللكزس تستاهل كل فلس يندفع فيها ..

    العيناوي.. ممكن تذكرلي سيارة تعتبر من وجة نظرك افخم من اللكزس عشان نسوي مقارنة بينهم؟؟


    الحمد لله

    نطول اللي أكبر من اللكزس بس مانباه مش تكبر بس توضيح

    وليش نسوي مقارنة اصلا والأمور واضحة

    انتوا تقولون تقنية اللكزس متفوقة على التقنية الألمانية

    طلعت في تقنية يابانية وأرخص بعد

Comments are closed.