السلام عليكم ورحمة الله وبركاته
الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
يعني باختصار نبا تقييم شااامل عنها
الي يحب يشارك يتفضل يقول رايه عشان الكل يستفيد من هذا الموضوع
انا عندي وجهة نظر عاديه ابا اقولها شباب
انا اعتقد ان اللكزس عباره عن شيك متحرك متا تبي تصرفه فلوسه موجوده وكاش بعد مثل المنجر شيك بغض النظر عن المواصفات اما المواتر الثانيه اسعارها اطيح في لمح البصر
على حد علمي
موجودة قبل اللكزس في الفولكس واجن طرازات : توران – تيغوان – باسات (الأمريكية والاوروبية)
تويوتا كل اللي سوته عدلت في التقنية بس وخلت للكزس تقنية مغايرة
بمعنى أوضح عدلت على تقنية ألمانية ونزلته في سيارتها
ومع هذا التقنية الالمانية أكثر تطورا
بس الموضوع بخصوص الاستيشن لكزس مش LS
اممممم… والله حيرتونا ويا اللكزس.
كل واحد له نظرة خاصة بالسيارة الي يسوقها يعني الي يحب الثبات والمتعة فالقيادة والشكل يحب البي ام اكس فايف أو البورش ويتمسك برايه مع ان السيارتين مافيهن الليونة والراحة لو تقارنهن بالسيارات الامريكية مثل التاهو او اليوكن.
” و لولا اختلاف الاذواق لبارت السلع “
تقنية الباركن هل موجوده فالالماني او فالانفنتي ؟؟
آآه ياللكزس الصراحه هالسياره حلم كل شاب ^^