السلام عليكم ورحمة الله وبركاته
الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
يعني باختصار نبا تقييم شااامل عنها
الي يحب يشارك يتفضل يقول رايه عشان الكل يستفيد من هذا الموضوع
ههههههههههههههه اسميكم سوالف ناس تذكر ايجابيات قويه وعادله مب واحد يقولي الدبه شفط والله تقليد اصلا لو مب موجود بالالماني هاي الميزه كيف بيخترع الصانع الياباني الميزه لانه اصلا كله تقليد الشفط من سنة 96 بالمرسيدس موجود وانتو تقولو لكزس لو تروحو امريكا مابتحصلو حد ياخذ ياباني كله من صناعتهم او الماني حتى لو مستعمل وقديم واذا فكرو بياخذون باجيرو او سوبارو يعني الباجيرو فاز بمسابقة اكبر رالي بالعالم رالي فرنسا مادري ك الف كيلو فاز لمدة 8 سنوات على التوالي وانمتو طايحين بالاستيشن واللكزس الحين هاي القراطيس شو فيهن والله ولا العجب الي ماركب جمس يروح ويركبه ويسوقه بخط ويسوق لكزس بخط بتحسو بفارق حتى بالراحه والرحابه سياره ماكملت عشرين سنه الناس هني عندنا بالبلد يهمها شي واحد يوم يبيعها ويوم يستخدمها وبس مايهمه الراحه والكوالتي والجوده والاستخدام والقهر من ياخذها من الوكاله يقرطسها ومادري شو سندويش مب سياره والله العظيم قبل فتره بسيطه ركبت جمس قديم 2004 يوكون وركبت توني استيشن لكزس 2008 لاحظت فرق من ناحيةالركوب واليلسه مواصفات في الجمس والله ليومكم هب موجوده باللكزس وحتى الجمس تييك فيه سماعات بوز واللكزس مادري شو اسمها والبوز مركبه على البودمعه يعني شو فيه 380 الف والله حتى السياره مركبه تركيب المكينه هب مكينتها مكينة التندرا وواحد قريت ان ذكر تنزل من جدام بوصه بوصه ههههههه سيارتي المانيه تنزل بوصات هب بوصه شو تسوي بوصه مقارنه بضخامتها وحجمها ونسيت اخبركم ربيعي قبل فتره بسيطة ير له وحده 2009 مشى فيها 1000 ويوم طلعها من التشييك الاول ثاني يوم والى البريك يسرب آيل الطرمبه مادري شو فيها خربان والله العظيم وربي شاهد على الي اكتبه قالوله انتظر 24 يوم لين ماتوصل القطعه اففففف حرام ماكملت 1000 ومااتهنابها بالعيد والله بالفلوس هاي مابفكر الى بالاسكاليد او مرسيدس مستعمل تحت الضمان بريك وسيفتي وثبات حتى على سرعة 200 مب هالياباني تضرب بريك يرقدك بالطبلون هههههههه والسموحه عالاطاله …
أي رنج اخويه عندي فوج 2006 ومتوهق مافيها دواسات ؟
الإنفنتي FX50S أقــوى من اللكزس و مواصفاتها أفضل من اللكزس و أرخص من اللكزس ووكيلها أفضل من اللكزس و الإنفنتي تخطت لكزس من ناحية الجودة و قلة الأعطال لسنه 2008 بناءا على تقرير من JD Report
الشباب هني بعدهم مقتنعين إنه اللكزس مافيها خرابات و أحسن سيارة و من ها الكلام الي هو مال سنه 2000 ,, إسمحولي بس لكزس من فترة ماسكين المرتبة الأولى من ناحية الجودة و قلة الأعطال ,, ألحينه لكزس وصلت المرتبة الثالثة ,, بورش و إنفنتي تخطوها ,, شو معناته ؟
@ العيناوي الأول: فديت ردك الراقــي و لعلمك تقنية ال:
اقتباس:
7. السيارة تنزل تلقائيا “هايدروليك” وقت ما تفتح الباب عسب اتسهل الدخول والخروج
موجودة في الرنج من زماااااااااااان ,,
انت كنت تطري التقنية والمواصفات
وماطريت سالفة الحجم ولا الفئة
اللكزس انا ما أقول انه مب زين
بس صراحة مايستاهل سعره ووايد عليه 250 الف
واذا تبون تقيسون مستوى السيارة على حسب المبيعات والطلب عليه
فالكرولا بتييب الترتيب الأول
شو خص المبيعات ولا اذا كان الموتر مطلوب بالموضوع ؟؟ نتكلم عن المواصفات والتقنية
كمثال هل اللكزس تفوقت على المرسيدس ام ال 63 لانه مطلوب أكثر ؟؟؟
وقبل كنا نسمع باسم الانفنتي ومانشوفه
الحين أي شارع تمر فيه تحصلك كم فئة من الانفنتي
والشباب يتشرونه مب على اساس انه عادة وتقليد تربوا عليها ( كما الحال في الاستيشن واللكزس ) انما يعرفون جودته ويعرفون انه يستاهل سعره
واكرر مرة اخرى السؤال للشباب المحبين للكزس
نسمع عن تفوق اللكزس في التقنية على المواتر الألمانية
حد يذكرها لنا ؟؟؟ ( غير المواصفات اللي ناقشناها فوق وتبين انها مواصفات عادية ومستهلكة
سبحان الله