السلام عليكم ورحمة الله وبركاته
الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
يعني باختصار نبا تقييم شااامل عنها
الي يحب يشارك يتفضل يقول رايه عشان الكل يستفيد من هذا الموضوع
الي عنده استيشن لكزس يجرب يركب اي مرسيدس فورويل
سواء Ml63 او G55 ويشوف الفرق بعينه
قال 360 الف على هالدبابه الحمدلله والشكر
مقارنة حلوة و عاادلة و اللي تبين الواقع الحاصل لدى أغلبية الشباب و اقتناعهم انه لكزس من افضل السيارات و تتفوق على السيارات الألمانيه و طبعا مفهوم خاطئ
الانفنيتي تفوقت على اللكزس و عطوها من افضل السيارات السنه اللي طافت و اللي كانت يتمدح باللكزس و مافيه خرابات ابد و احسن عن السيارات الألمانية اعتقد خل يقارن و يشوف منو الأفضل
و المشكلة الناس تقارن لكزس ب بي ام مستعمل مثلا يقولك خرابات و غيره
اكيد راعيه كارفنه كرااف بس سير ظهرلك موتر الماني من الوكالة و حافظ عليه و بنشووف كيف خراباته
و الصراحه سعره غالي جداً و المفروض يكون فحدود 200 و شي و هذا حده عيل الاستيشن واصل سعره 260 الف على شو ابي افهم و الا تويوتا تبا تطلع و تنافس االسيارات الألمانيه قالت بنرفع اسعارنا و بنشتهر على حسااب الغير اللي هو المستهلك الخليجي اللي يدفع و مايهمه السعر!!!
1. المكينة 5.7 362 حصان، العزم 54.1 كجم-م (التويوتا،4.7 – 271 حصان، 41 كجم)
5.7 لتر و 362 حصان بس !!!! طيب نكمل ونشوف
2. كراسي كهرباء ورا
موجودة بكل السيارات الفخمة
3. 3 كيميرات، ورا و جدام والجنب
الانفنتي فيها 4 كيمرات ومسجلة براءة اختراع عليه بعد
4. مثبت سرعة مع رادار، يثبت المسافة بينك وبين اللي جدامك
موجود بمعظم السيارات
5. الرنجات 18 انش، الاستيشن 17
رنجات !!!! مالها دخل بالتقنية
6.طي الكتروني لكراسي الصف الثالث، وتحريك الصف الثاني الكتروني علشان تدخل للصف الثاني
قصدك طي كهربائي لمقاعد الصف الأخير !!!
في الانفنتي تروم تنزل الكراسي بزر وتروم تردهم بزر بعد وين التفوق
وتحريك المقاعد كهربائيا أيضا موجود
7. السيارة تنزل تلقائيا “هايدروليك” وقت ما تفتح الباب عسب اتسهل الدخول والخروج
هاي يديدة صح
8. اللايتات تلف يمين وشمال على حسب المقود وعلى حسب مستوى السيارة والسرعة
موجودة في الانفنتي ومنذ سنوات
9. نظام الامان “ما قبل التصادم”، يجهز السيارة اذا السيارة توقعت حدوث حادث بانه يصدر اصوات تحذيرية و يجهز المقود باكثر حساسية و يجهز المكابح علشان يكون اشد واسرع، و يجهز الجامبينات علشان اتكون اثبت، ويثبت حزام الامان، و يثبت مساند الراس، ويحقق أفضل قوة تخميد لممتصات الصدمات أثناء الفرملة للمساعدة على الحد من ميل مقدمة السيارة للاندفاع نحو الأسفل، يعمل نظام المراقبة بالرادار اللي ورا واللي جدام.
في الانفنتي موجود نظام توقع التصادم أيضا ولكن بطريقة مختلفة ( سياسة شركات )
10. اكياس هوائية في كل الصفوف، امامي وجانبي وللرأس وللركبة
موجود في الانفنتي
11. الجامبينات تتغير على حسب السواقة، وعلى حسب الاختيار، مريح، عادي، رياضي
موجودة بالسيارات الألمانية
12. دي في دي جدام وورا، نظام تسلية خلفي (مثل الطائرة) و تخزين 8 جيجابايت حق الصوتيات والمسيقى، سماعات لاسلكية ونظام تحكم عن بعد
موجود نفسه في الانفنتي وزيادة على هذا شاشة لمس
13. نظام صوتي 19 سماعة MarkLivenson ثلاثي الابعاد
موجود في الانفنتي أفضل أنواع الأنظمة الصوتية المحيطية بنظام بوز
14. الباب الخلفي (الدبة)، اوتوماتيكي، مع شفط
موجود اغلاق اوتوماتيكي في الأرمادا
15.توجيه المقود الكتروني، “نظام التوجيه ذي نسب التروس المتغيرة”، يعني اذا تمشي بسرعة بطيئة، يلف المقود بسرعة (كسرة قصيرة) واذا تمشي بسرعة عالية، المقود اثقل وحساسية اقل عسب تسيطر بشكل اكثر
موجود في الانفنتي
16.نظام التعرف على المطر – المساحات الزجاجية الاوتوماتيكية
موجود في الانفنتي
17.المرايا الجانبية تطوى اوتوماتيكيا، المقود يتحرك ويضبط الكترونيا مع التخزين
موجود في الانفنتي
18.نظام تبريد وتسخين المقاعد – الامام والخلف
موجود في الانفنتي
19. منظم المساعدة على بدء الحركة على التلال
غير حصري باللكزس وموجود بسيارات أخرى
20.نظام مؤازر الفرامل.
موجود بمعظم السيارات
21 مقدمة السيارة مصصمة لتقليل تأثير حوادث الدهس بحيث انه لا تاثر على جسم صغير الحجم مثل الاطفال
سيارات الانفنتي مصممة بحيث تخفف الصدمة اذا جاءت من الامام بحيث أن البونيت يطلع على فوق عند اي حادث
وتقريبا النظامين يؤديان نفس الغرض
22.منظم مساعدة الانطلاق على التلال: يخليك تصعد وانت مرتاح بدون ما تشغل بالك بالبريك، ما بترجع السيارة: إذا بدأت السيارة بالانزلاق نحو الخلف عندما يحوّل السائق قدمه من دواسة الفرامل إلى دواسة السرعة أثناء بدء الحركة على منحدر حاد أو تلة منزلقة، فإن منظم مساعدة الانطلاق على التلال يقوم بتشغيل الفرامل تلقائيًا برفق لتقليل حركة السيارة نحو الخلف.
غير حصري بسيارات لكزس
23
. الجير 6 غيارات مع نظام سبورت و ذكاء اصطناعي يحدد نمط الجير والتروس على حسب نمط السياقة
اسم النظام هذا “AI-SHIFT”
في الانفنتي سبع غيارات ويتأقلم على حسب طبيعة السواقة
اتوقع ان كل هذا يستاهل 325 الف درهم واكثر بعد (بس 75 الف اكثر عن الاستيشن)
الانفنتي فيها هالمواصفات وسعرها اقل بوايد ( بحدود 200 الف )
غير انه اسمه لكزس
مع احترامي للرنج روفر سبورت والعادي، فما اعتقد فيها ربع هاي المواصفات !!! حتى السكان تحريكه
وانا سويت لك مقارنة بالمواصفات المذكورة بمنافس ياباني
وللعلم أيضا فانفنتي تفوقت على اللكزس باختبارات الجودة باروبا
واللكزس نزل ترتيبه
يعني بعدنا مادخلنا في التقنية الألمانية
بس اذا تبي تدخلنا بالتقنية الألمانية انا حاظر بس بنشوف فضايح للكزس
يالله يا شطار طلعولي مواصفاتكم
ماشاءالله عليه ماشاءالله والله روعه الموتر ممكن اخوي تقولي من وين ها الرنقات وكم قيمتهاا وهل هي تصلح للكزس 2007 الي ال اكس 470 ولا لا اتريا ردك على الخاص ما عليك امر