السلام عليكم ورحمة الله وبركاته

الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها

يعني باختصار نبا تقييم شااامل عنها

الي يحب يشارك يتفضل يقول رايه عشان الكل يستفيد من هذا الموضوع

129 thoughts on “الكزس اليديد Lx 570 *ايجابياته وسلبياته*”

  1. معلومة اضافية من يومين كنت فالمعارض وشفت السيارة من داخل

    الشاشة لي جدام في الطابلون مافيها

    DVD ولا TV

    ملاحبا أخوي عندي بعض التعقيب على كلامك بالنسبة للدي في دي متوفر في الشاشة إللي في الطبلون وطبعا بس عندي توقف السيارة فقط وتقدر تشاهد الدي في دي والسيارة ماشية بواسطة الشاشة العلوية إللي في سق السيارة والسموحة منك والدليل عندي نفس السيارة 0

  2. السلام عليكم ورحمة الله وبركاته …
    انا اقول السيارة مقارنة بالاس فايف والبورش هي احسن مواصفات من حيث الحجم الداخلي (مقاعد الصف الثالث) لكن انا اقول ان السيارة مبالغ في سعرها مع انها سيارة عادية من حيث المواصفات وانا اييد الريال اللي يقول بريكها تعبان ومانع الانزلاق في ايضا تعبان الظاهر ان اليابانيين في السيفتي اخر ناس…
    وجهة نظر.

    وشكرا

  3. الى الاخ العيناوي

    صباح الخير

    انا قريت الموضوع ولقيتك
    1-اتحارب سيارة بعشرين شركة سيارات يعني اتحط الصالون مع الفرويل و البكب مع الصالون مع كوبي ماصير

    2- اذا انت تمشي على هذا التقرير يعني انت اتناقض في بعض الشيئ كلامك لانة الكيا فضل من bmw وكثير من السيارات الموجوده في السوق نحن نعتبره سيارات تقنة عالية

    3- الكزس سيارة انا استخدمة استخدام لوكان تحت ريلي واحدة من السيارات اللي تمدحة صدقني ماتنباع ولا حد شوفة

    4- الاختيارات هذي ايسونه في البراد مش في ليوا ولا شاك الخرخير ولا في رملة العين لو شفو شو نسوي لكزس صدقني بيغيرون رايهم في المعاير والمقايس

    5- التقنية وتكنلوجيا هذي حتى في الكيا

    6- اهم شي تشتري شي انت مقتنع فية لانة سيرتك بيي احسن منها

    7- اكثر سيارات متعطله على الخطوط السيارات الامانية ( الجو ما يسعدها )

    8- الشباب في الامارات ايحبون الكزس مثل الشباب في اي دولة الها شبعية والدليل اعرض لكزس وبشوف الازعاج

    وشكرا العيناوي على الروح الرياضية وشباب مستانسي على الموديل اليديد وكل السيارات حلو بس انت من تقتنع انه حلو خلاص و المواصفات في كل السيارات حتى في درجات مواصفاتا اكثر من بعض السيرات عادي مافيها شي.

    وسلام لضابط كروزر مدير الصنع الياباني

    وذكرت الله على الكزس احفظه من حسد الاعيان

  4. انا الصراااحه اجووف فالمنتدى كلام وفالواقع كلام ثاني..يعني من كثر الحجوزات عليه صار لازم تنتظره اكثر من 3 شهور وهالشي محد تعود عليه طبعا فوكالة التيوتا..وانا اقول اللي بيسمع كلام الناس فهالسوالف مب ياي يظهر اي شي لانه مافي موتر مافيه عيووب ..بس الناس وايد تبالغ يعني ..

  5. السلام عليكم

    موضوع 10 على 10

    وتسلم يا العيناوي الاول

    كلامك منطقي جدا جدا جدا جدا جدا و ينم عن درايه وخبرة

    في السيارات ما شا الله عليك

    وسلامي للاخ سلطوووون

Comments are closed.