السلام عليكم ورحمة الله وبركاته
الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
يعني باختصار نبا تقييم شااامل عنها
الي يحب يشارك يتفضل يقول رايه عشان الكل يستفيد من هذا الموضوع
السيارة مريحه حق الخطوط بسسسس
بعض العيوب اللي شفتها في السياره:
-الستيرنق وااايد ثجيييل و مب مريح مقارنة باللكزس فورويل 2007، شي اوبشن ناقص في كل المواتر الخليجيه اللي هو ال Active Steering شرات ال بي ام واسمه في اللكزس شي ثاني ما اذكر شو بالضبط .. في مواصفات السياراة مكتوب انه الاوبشن موجود لكن فعليا مب موجود .. الاوبشن هذا يخلي لفة السكان اقصر و أخف على السرعات النازله حق الباركنج مثلا، و يكون اثقل على السرعات العاليه لثبات افضل على الخطوط. للأسف هذي الميزه ما نزلوها عندنا و مهمه جدا في السواقه من ناحية الراحه خصوصا داخل المدينه
-تبديل القير مب مريح ابدا من الاول للثاني، و جربت مواتر غير عن موتري وكلهن نفس الشي ..
-استجابة السيارة للريس بطيئه نوعا ما
-نظام التعليق سيء و مب مريح مثل اللكزس القديم حتى لو تختار الوضعيه المريحه السياره تكون يابسه
طبعا من ناحية الثبات افضل من القديم بمراحل ولكن انا اتكلم عن الراحه
-مجموعه كبيره من السيارات فيها عيب في الشفت تحس بنفضه في السكان و الريس اذا تمشي على سرعة 80 – 100 كيلو و يتم تبديل الشفت على الضمان طبعا
الميزه الوحيده اللي حبيتها الراحه والهدوء على الخط فقططططط لا غير
فوائدها يوم يشوفونك الناس راكب لكزس استيشن يقولون هني الدنيا يتمون يطالعون فيك
عيوبها سعرها مبالغ فيه جدا مئة مرة واسومها 199 الف فقط وشكلها غريب
ياخوي من وين ماخذ الرنقات وكم سعرها
السيارة ممتازة ولا عليها كلام من كل النواحي الفخامه وشخصيه وصرف بترول اكثر من روعه
اذا تباها حق خطوط فخذ اللكزس
أوسع وأريح في الخط
لأنه البورش والرنج والاكس فايف وحتى الانفنتي اف اكس كلهم تعليقهم رياضي
فاذا انت مب متعود على هالنوعية من السيارات مابترتاح بسواقتهن
اما في الثبات فالسيارات اللي تعليقها رياضي أفضل في الثبات
ومبروك مقدما