الف مبروووووووك لموظفي الحكومة الاتحادية اخير وافق المجلس الوطني على
طلب غالبية اعضائة بمناقشة التباين الكبير بين موظفي الدولة خاصة بعد ان
اصبحت الفروقات بين رواتب موظفي الحكومة الاتحادية و رواتب اقرانهم من موظفي الجيش
و الشرطة او الحكومات المحلية شاسعة جدا و تصل الى ثلاثة اضعاف لنفس
الموظف و على نفس الدرجة .
يذكر ان موظفي الحكومة الاتحادية تمت زيادتهم 70% فقط من الراتب الاساسي
و اصبح متوسط راتب موظف الحكومة الاتحادية 10 الاف درهم في حين يبلغ المتوسط
في الجيش 30 الف و 33 الف في حكومة ابوظبي و 23 الف في حكومة دبي .
مساكين البدون في شرطةبوظبي ولا زادوهم فلس ،اتلاقي الواحدعنده درزن اعيال وراتبه ستةالاف والبنك يخصم نصها اتخيلوكيف حالتهم حتى ترقيه ما يترقون،ان شاءالله حد يلتفت للفئة هذه مجزي خير
اصلا فيه فرق كبير بين رواتب المدنيين الي يشتغلون في الجيش والشرطة وبين العسكريين
والله هم مظلومين
حتى بعض المدنيين يكرفون مثل العسكريين واكثر بعد
الله يعينهم اميييين
وبعد رواتب الاتحاديين المدنيين صدق ضعيفة
واول كان الواحد يحتار وين يقدم وظيفة لان الكل تقريبا نفس الراتب
اما الحين الكل يدور الدواير المحلية
ان شاء الله الشيوخ والمسؤولين يعدلون الموقف وما يقصروون
موظفين حكومة الشارجه متى بيزيدونهم والله حرام مساكين ثانويه عامه يستلمون 7400
مبروك للزياده وعقبال باقي الحكومات
انزين خلوا العسكريين ع صوب ..
وقارنوا بين المحلي والاتحادي شو الفرق ؟؟ عشان تكون رواتبهم اعلى باكثر من الضعف ؟؟
وشو ذنب الاتحاديين الي تابعين لامارة ابوظبي ؟؟ انظلموا في ظل الغلا الي صار في ابوظبي والعين والغربية .. الايجارات والاسعار عاليه جدا وما تفرق بين موظف محلي او اتحادي ..!!