السلام عليكم يااخواني
عندي موضوع وحاب انكم تشاركون برايكم وخبراتكم ومواقف مرت عليكم…
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
شو رايكم في هالنوعية من الناس؟؟
يالله همتكم نبا نسمع اراء وردود حلوة
أنا خذت الموتر ومب ناوي أشل قراطيسه إلا عقب فتره.
أنا شخص يعمّر الموتر عندي وايد. فـ مب من المنطق ولا من الفطنه إني أول ما أطلعه من الوكاله أشل القراطيس عنه. هذا موتر، مب فيديو.
الحمد لله خذت مرسيدس في سنة 2001 و لليوم الموتر عندي. أول ما خذته تمت عليه القراطيس فتره و عقب شلّيتها. أنا بهالطريقه حافظت على نظافة الموتر و تم نظيف في نظري لفتره طويله.
واللي يتكلم عن البوليش، تراه يخرب الجلد إن إستعملته وايد. أصلا الجلد صعب تبولشه أكثر من 2-4 مرات. صبغته بتبهت (إن ما طارت بعد). و اللي بيقولي إنه بيسير عند الشركات الكبيره في هالمجال برد عليه بإن سعر البولش غالي جدا، ما يسوا عليي أدفع هالمبلغ عـ بولش.
أنا الحين ماخذ فورويل، و خليته بقراطيسه، مب زطاطه، بس عسب يكمل المده اللي بستعمله إياها. الشباب ما شاء الله من خذوا الموتر ضربوبه خط للكويت، مالومهم، عندهم بيزات أو ما عندهم مشكله ياخذون من البنك بأي مبلغ. أنا إن سوّيت شراتهم بضطر إني أصرف عـ الموتر وايد، و بالتالي ما برتاح. و دامنها على القراطيس، بنقزّر حياتنا.
و بالنهايه، هذي وجهات نظر، كل واحد يسوّي اللي يباه.
سار لي موقف في معارض الشارجة السالفة جديمة وااااااايد
ومازل عليكم بالسالفة
كنت ادور لي نيسان كبسولة لقيت لي واحد موقف داخل المعرض نظيف صدق
المهم سالت راعي المعرض وقال لي السعر ماحيد بكم
نقزلي لي واحد مواطن شاب صغير
يقول تعال شوف كيف الموتر نضيف بطل لي الدبة
الدبة ماتتبطل يابسة من كثر مالموتر نظيف
وسار وفتح باب المعاون ودق على السيت يقول لي والله العظيم انة محد يلس على السيت حتى امي مايلست علية
وحشرني حشرة المهم انا لبستة
وسرت حق الريال اللي يالس على المكتب
قال لي هذا الريال بيع السيارة حقنا من 3 ايام وكل يوم طايح عدنا في المعرض يراي الناس نظافة السيارة ؟؟؟؟؟؟
شو هالبشر هذيلا وشو هالعقلية
كل حد له نظرته
انا اشوف الموضوع ايجابي اكثر من سلبي وخاصه بالنسبه لي لاني ما افكر اشتري سياره من الوكاله عالاسعار الحاليه مدمن شي اسمه مستعمل وخاصه لما يكون مستعمل سنه الى سنتين ويكون مب ماشي تلقاه بسعر حلو بالنسبه لسعر الوكاله وفي نفس الوقت جديد وغير مستعمل وبخصوص الاكياس انا احس السيت يستوي حار كيف يقدرون يستحملونه وبالمناسبه مره لقيت سياره استيشن في اكس ار فل اليديد (غادي زرب) عزكم الله ريحة دبش وسماد الريال شيبه وراعي عزب حتى ان السيتات متقطعه اظني محمل فيه حطب وبصراحه وجهة نظري ان الانسان يكون وسطي لايبالغ في المحافظه ولا يهمل السياره والسموحه
واحد من الاهل شو سوى..
..
خذ لكزس استيشن موديل 2004 وارد..
الموتر نظيف وحليو.. وانا كنت وياه يوم خذه..وبعد اسبوع ياي الحبيب و كيس الموتر كامل ..
– حاط اكياس نفس اللي مال الوكالة… وفوق الاكياس ملبسنها قماش ..هههههههه..والله ضحكت عليه اقول شو مسوي
– حاط عالبيبان اكياس لدرجة انك ماتقدر تسند ايديك عالباب..والله انه ايديك اتزل عالنايلون..وكرهت موتره لها السبب