السلام عليكم يااخواني
عندي موضوع وحاب انكم تشاركون برايكم وخبراتكم ومواقف مرت عليكم…
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
شو رايكم في هالنوعية من الناس؟؟
يالله همتكم نبا نسمع اراء وردود حلوة
ههههه موضوع فنآن
وآنآ وآحد منهم ههههه
خذت سيآره يديده …وآبد مآظهرت خط ههه بس دآخل بوظبي…
آلآهل بيروحون دبي آلشآإرقه…..آوك بس مب بسيآإرتي ههههه
وآلآكيآإس للحين ع آلكرآسي…بس آذآ آنقلعو مآظن رآح آركب من محلأت آلزينه…مب لهذي آلدرجه لووووول
آلحين خلأص..عآدي…ضرب خطوط لين رآإك…
آليديد مثل مآقآلو حبه شديد..بس فتره هع
ياسلام عليكم وعلى ردودكم
تسلمون يا أخواني ..
بعطيكم مثال..انت يوم تشترون أثاث حق البيت شو تسوون به ..تخلون الاكياس عليه ولا ؟؟؟
شوف اغلب الي عندهم تيوتا ولكزس يشترون حق غيرهم مب حق نفسهم. يخلي السياره بقراطيسها وحالته لله, ويقولك سعرها فيها ومادري شو, والله حواليكم ناس عندهم مرسدسات وغيره ما يحاتونهن كثر التيوتا واللكزس.
السلام عليكم ورحمة الله وبركاته
كلامك جميل جدا وموضوعك اجمل
لكن انا بقولك ليش مثل هالاشخاص يسوون هالسوالف
هذا بتلقاه ولا واحد يغير سيارته دوم ويبيع ويشتري وفي هالحاله اكيد يبا سيارته نظيفة ومب ماشيه وايد عسب يبيعها بسرعه وبافضل سعر
او انه واحد زطي (الله يعافينا) ويخاف انه يدفع (بترول وصيانه وتصليح)
سلمك الله الواحد ياخذ الموتر ويتهنابه ويطلع جيمته بعد لكن بالعقل وبدون مايكسر موتره
عندي واحد من الربع الله يزيده ويرزقنا ماخذ g55 من الوكاله يديد وانا امنية حياتي اخذ هالموتر (للبر) ويوم اقوله هالكلام يقولي انت مجنون ومب صاحي عيل انا دافع فوق النص مليون عالموتر وادخله البر؟
اقوله ياولد الحلال هالموتر ماسووه الا للبر والمهمات الصعبه ومن اقوى المواتر في البر ماشاء الله عليه
ولو تدخلبه البر عادي مابيخترب ولا بيستويبه شي لانه مهيء لهالشي
ومب طايع يقتنع مووووول ولين يومه هذا يوم ايينا العزبه ايينا بالجيب رانجلر رغم ان الدرب مسواي من الشارع لين العزبه للصوالين!!!!!
وفي النهايه هي عقليات وقناعات شخصيه
والسموحه منكم
السلام عليكم ورحمة الله وبركاته
انا انسان ماحب ايلس على كيس !!
واستغرب لما اشوف الناس ملبسين اكياس يعني موتر جديم واايد و ملبسنا اكياس .. يعني عشان ايحس انه مطلع من الوكالة !!
والله لما اطلع الموتر من الوكالة اقولهم شلو الاكياس عنه ..
و الحمدلله استانس بالموتر و احافظ عليه ..
بين فترة و فترة بولش ..
و طبعا سيرفس في الوكالة دايما ..