السيارة ماخذنها حقك ولا حق الي بيشتريها بعدك…؟؟؟؟!!!!

49 thoughts on “السيارة ماخذنها حقك ولا حق الي بيشتريها بعدك…؟؟؟؟!!!!”

1. انا من الناس الي يحافظ على سيارته احب اشوفها نظيفة دووم من داخل وبرع
   مع اني اظرب فيها خطوط وادخل به الرملة واسير فيه البحر
   واقلص دراجات …

   وانا مكيس الكراسي لانه الموتر جلد وعندي اليهال ما يخلون شي في حالة

   للعلم مب كل شي يروح بالبلولش والغسيل

2. بصراحه احلى موضوع قريته في المنتدى

   ياجماعه انا اشوف الي يسوي جيه ماعنده سالفه، انا عندي نيسان واسيربه وين ما ابا والحمدلله ماشاءالله عليه ما شكيت منه ولا تلعوزت منه، مع انه اغلب الشباب يشتكون من نياسينهم ،،

   انا اقول لاني محافظ عليها وتجيكاتها اول باول والحمدلله، وسياييير البيت كلها ماشاءالله ماخلن خط ماسارنه، وجانك تحاتي البيعه ياخي نظف سيارك وعدلها وقرطسها ودور بها المعارض، وان ماخذوها سمني ماخذوها..

   انا لاحظت شي ( يمكن لاني راعي نيسان) السياره يوم تدلعها بتلعوزك لكن يوم تلعن خيرها تريحك ههههه بس بالمعقول،

   يعني بالله عليكم انا باخذلي ٨ سلندر اخليه واقف فالبيت!! قسم بالله لاذوقه خط الغويفات لين ماتلوع جبده، السياره ماخذنها ودافع عليها مبلغ وقدره، لمنو ؟ لك ولا لغيرك تراها قيمتها بتنزل بتنرل يعني لو بتفكر في قيمه السياره كم بتنزل ٥٠٠٠ ؟ ١٠٠٠٠ ؟ وهذا مايستاهل انك تتهنى بالسياره ؟

   شكرا عالموضوع بس عيبني وماعرف احس اني يلست اخربط وايد

   بالتوفيق

3. شكرا على الموضوع وكلامك صح وايد ناس يبيعون سياراتهم وهم ماتهنو فيها يعني انا ابصراحه خذت لكزس فورويل والريال المسكين من خذه الموتر من الوكاله ثاني يوم راح حطه كيس على الكراسي والارضيه والبيبان والله بس ناقص يحط على السكان وابصراحه انا من شفت الموتر دفعت له بالسعر اللى يباه …. الموتر يوم تكون هذى حالته تكون رغبته اكثر للشراء ويجماعه لاتلومون الناس اللى جذه يعني في حد عنده عيال وصغارية ولازم من يركبون يوصخون السيارة وتدرون الجلد هلايام اي كلام مثل الهيليوس او التان او البيج وابسرعه يتوصخ يعني الوكاله تركب ارخص جد والله عيل كرسي تيلس عليه الحرمه يستوى الكرسي اسود من العباااه وتروح تبا اتغسله يقول لك مايطير لازم تصبغ الكرسي … والله كلام فاضي …

   يجماعه متعود يركب سياره جلد خلخ يقارن الجلد بين السيارات القديمه والجديده وهو بيعرف الفرق ^__^

4. بسم الله الرحمن الرحيم
   السلام عليكم ورحمة الله وبركاته

   والله الموضوع اكثر من جميل الصراحه وتشكر عليه اخوي

   انا الصراحه مستغرب من هالشباب يوم ياخذون مواتر يقولك لا ابا احافض عليها وما اباها اتكسر
   انزين محد قالك روح كسرها يعني عندك الفورويل ليش شارنه يوم يستوي مطر ولا يكون الجو حلو سير الرمله بس على مهلك لا تسير اتكسر سيارتك
   واصحاب الصوالين خاصه 8 سلندر يقولك ما ابا اطلع خط طويل عشان ما تخترب وما تمشي وايد
   انزين ليش ما خذنها عشان تخليها فالبيت والله اطلع عينها بعد حق شو اخليها
   شوفو شباب عشان اتم السياره وياك لازم تهتم فيها عشان ما تلعوزك كيف
   يعني تسويلها سيرفس كامل بين فتره وفتره وانته جي بترتاح عالاخر
   واللي يقولك والله انا دافع فيها وايد
   صح انته دافع فيها وايد ليش ما تستانس فيها ليش ما تسلعملها شارنها يعني حق الباركن

   ملحوضه ( انا شاري السياره مب السياره شارتني )

   والسموحه علاطاله

5. والله موضوعك جااي في محله ..

   استغرب من الكثير انه يستانس لما يسمع ما شاء الله السيارة ماشيه قليل ، ؟!

   وهو والله ما تهنى فيها ولا شيء ..

   اعرف واحد شخصياً معه اوريون 2008 ماشيه تقريباً 500 ألف وشويه ، واللي مب مصدق يراسلني وارسل له الصورة :d

   وهو دايم بين السعودية والامارات < عنده اشغال كثيرة ..

   لكن ارجع واقول ، حلاة السيارة توسع صدرك فيها زي ما تبي ..

   متى ما حبيت تبيعها سوي لها بوليش كامل وتكييس للاسيات وكل شيء ورجعها مثل ريحة الوكالة بأقل من 1000 ريال او درهم ..

   وكِذا انت استانس بالسيارة وخليت غيرك يستانس فيها من بعدك ..

Comments are closed.