السلام عليكم يااخواني
عندي موضوع وحاب انكم تشاركون برايكم وخبراتكم ومواقف مرت عليكم…
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
ألا وهو ان في شباب ياخذون سيايير يديدة .. ((ألف مبروك.. والله يعطيكم خيرها ويكفيكم شرها))
بس من يطلعها من الوكالة مايتهنا فيها ..ليش؟؟
1- تحصله اكياس الوكالة مول مايبطلها من الكراسي ..””خاصة اللي ماخذ سيارة جلد””
واذا انطرت الاكياس ولا شي راح محلات الزينة وبدلهن وركب يداد.
2- عنده موتر يديد والحمدلله “” زي الفل”” ويوم خاطره يروح مكان بعيد شوي قالك لا دخيلك ..السيارة بتمشي وايد..
3- الحبيب ماخذ سيارة فورويل”دفع رباعي” بس يخاف عالسيارة ومول مايطب الرملة ..ومحرم اهله مايدخل بها ولا يستانس فيها..
شو رايكم في هالنوعية من الناس؟؟
يالله همتكم نبا نسمع اراء وردود حلوة
اشهد انك موضوعك صح يخوي فمحله وكلامك صحيح
وشفنا ناس بهالشكل ملبس شامواه ولا بربري ويقولك سيارتي ما تضرب خط يديده
يحظ اللي يشتري السياره بعده
الموضوع فنان وحلو وايد واحب اضيف شي يديد انا ابرمج سيايير والحمدالله و ياجماعه ان كل السيايير غالية يعني مارسيدس وفراري ولمبرقيني وكاديلاك وجماسي والصدمة حتى البوقاتي لين الحين ثلاث بس والاودي والبورش وفيلكس واجن ورنج وغيرها بس مب معنى الكلام ان الناس تدمر سياييرها اللي يبى يحافظ بيحافظ اما انه يحرم نفسة منها ويحرم عيالة ها ظني يوم حد يركب يفرش سجاد تحتها عسب مايخيسون السيارة ههههههههه ولا يعق نعلهم في الدبة وهم حفاي هههههههه اذكر واحد جي ودوم احط علية بس ولا على البال زط عفانا الله
نص اللي يذمون باللي يقرطسون الكراسي هم من اصحاب هل فكره ومقرطسين السياره بكبرها ومفصلين لها طربال وازيدكم من الشعر بيت حاطين لها كراج مع مكيف شغال 24 ساعه ههههههه
استخدم السياره حافظ على تجيكاتها سولها صيانتها بكل وقت تحتاجه دلعها بتدلعك بس بعد مب معنى هذا انك تلقى سياره طاف على موديلها سنتين او سنه ومقرطس الكراسي وحاط لك ورقة المصنع اكثر ناس يقهروني اللي يركبون المخفي فوق استيكر الوكاله ولا اللي يشل استيكر الوكاله ويركبه ع الجامه اللي ع الينب ويحط المخفي فوقها ههههه وين يبى..
انا عن نفسي كإستخدام احب السياره السودا من داخل لا قرطاس ولا تلبيس الامور طيبه..
تحياتي
السلام عليكم ورحمة الله وبركاته
و الله انا برأيي ان الواحد ما يشتري السيارة و الله عشان شكلها او يتبطر بها في الشارع
الواحد يشوف شو احتياجاته و يسير و يدور موتر فيه كل شي يباه
و من يشتريه يستعمله في مشاويره و الا ليش دفع او غرم عمره في البنك ؟؟!!
يعني لو واحد يحب البر يروح ورا الفورويل بس بالاول يسال اي نوع احسن اي موتر اخف مثلا في البر و اذا واحد راعي خطوط يشوف له موتر فيه سيفتي مثلا قوي و قومه و نفس طويل في الخط مو يشتري 4 سلندر و عقب شهرين من الدوس يصيح
كل واحد و له حاجاته و اموره الي تختلف من الثاني
اما و الله بشتري و عقب ابركنه جدام البيت و الله الموتر يديد
اعرف شباب وقفوا مواترهم في كراجات بيوتهم و يوم ودوها التشكييات يمكن من ثاني او ثالث تشييك الوكالة قالوا له بدل البوشات و التواير لان الربل تآكل من الحرارة
السيايير يوم سووهن سووهن للحركة مب لل ..
و سامحوني لاني طولت