السلام عليكم
انا عندي سؤال اتمنى من الجميع يجاويوني عليه بجديه
الجواز الامريكي … ممكن تفيدوني وتخبروني بـ((فوائدة وعيوبة)) ؟
وكيف ممكن احصل عليه ؟
هل هناك مدة معينة لاقامتي هناك لامتلاكه ؟
او اذا عندي ابن ولد هناك اقدر احصل عليه ؟
مع العلم اني ناوي اكمل ماجستير في امريكا
وشكراً
اختي السولعيه
ردا على كلامج
لو حطينا اثنين عندهم دبلوم مثلا
مواطن واجنبي
تتوقعين المواطن بيداوم مثل الاجنبي وبيكد كد على الشغل ولا كل يوم غياب ويايب اجازات فيه اسهال وشردات تايم وغيره وغيره
عشان جي بتقولين ليش يوظفون الاجانب
شوفي المواطنين شو مسوين في دواماتهم وعقب حكمي
روحي اي بلديه او دائره وشوفي الشباب مش الكل طبعا البعض
يتأفف وما يخلص الشغل وشارد وما يعرف نظام العمل عنده وغيره
والله بلادي لو ايلس فيها بدون شغل
انها تسوي عندي الدنيا كلها
يخسي اي جواز ثاني اقول عليه نعم
ورجاء انهوا الموضوع لاني ما ارضى على الامارات
اذا ربت المدام هناك يعطوه الجواز
زي ما ذكروا الاخوان الجواز الامريكي زين حق العرب الوافدين يسهل اجرائات دخولهم وخروجهم من الدولة. بالنسبة للمواطن الاماراتي ما اشوف اي سبب يخليه يطلب الجنسية الامريكية لان حال المواطن الاماراتي افضل بكثير من المواطن الامريكي العادي.
انا عشت في امريكا من 1998-2004 خلال فترة دراستي, المواطن الامريكي يدفع لكل شي حتى المستشفيات, واذا ما عنده فلوس يفروه برع المستشفى. يعني لو هدفك من الجنسية مادي اغسل ايدك.
اخوي افرض انك حصلت الجواز الامريكي
وييت هني البلاد
تهقي الجهة اللي بتقدملها اوراق ما بتعرف انك مب امريكي اصلي
اخوي
الغربي يوم ينقبل شكله ولهجته جواز مع الجواز اللي في ايده
يعني لا تعور راسك في الاخير بيغيرون منك وبيغلسون عليك وبيطفروبك يوم يشوفون انك عربي الاصل
بس بصراحه، و بدون مجاملات،
الإماراتي ما يعرف قيمته إلا إذا طلع من البلاد. إن كان من الشعوب فهي تحب الإمارات بشكل عام. و إن كان عـ السفاره، من يصير شي في بلاد معينه، أول سفاره تخدم رعاياها هي سفارة الإمارات.
خلّك على جنسيتك الإماراتيه ياخوي ولا تتهوّر.