السلام عليكم ورحمة الله وبركاته
عندي خويه خلص ثانويه السنه القسم العلمي وياب في السبعينات
نسبه مش عاليه لكن الحمدلله
الريال محتار وين يسير ووين يقدم
قلت اخذ شوركم وان شاء الله احصل شي مفيد كالعاده من مخاوين شما
ياليت حد يفيدنا بالكليات والاماكن في امارة ابوظبي اللي تعطي راتب بالاضافة الى الدراسه داخل الدوله
مثل كلية الشرطه – هيئة كهرباء ابوظبي
واللي عنده واسطات ويعرف كيف يخلص هالموضوع بكون شاااااااكرله واااايد
في انتظار مشاركاتكم الطيبة الله لايحرمنا منكم
ادنوك…. …………
وين اهل الفزعـــــــه..؟
في انتظار المزيد من المقترحات سواء على الخاص او العام
تسلم اخوي زوم على المشاركه
اخوي مشكلته ماله هوى على السفر ويبغي يدرس في الدوله والحمدلله دولتنا فيها الكثير من الجامعات المرموقه
واذا تعرف عن هالجهات الي تاخذ شباب الثانويه ادرسهم مقابل راتب ومن ثم توظيفه لديهم ياليت تقولي شو هن وبكون شاكر لك
اخوي بالافضل انه يدرس التخصص المرغوب واللي محتاجنه سوق العمل ولو حتى تعب بهذا التخصص افضل من انه ياخذ تخصص سهل وفيه اكتفاء منه ومايستفيد بعدها ويعاني بالبحث عن وظيفه….
بهذي الايام تقدر تفتح الجرايد كلها اعلانات ودعايات من اكثر من جهه كلها تدعوا الخريجين للانتساب اليها مقابل رواتب مجزيه وبنفس الوقت تكون الدراسه بجامعات ومعاهد معروفه…
عن نفسي ياخوي اذا تشوف اخوك قادر ع الدراسه بالخارج خله يروح جهاز ابوظبي للاستثمار ويسفرونه على حسابهم مع دفع مصاريفه ورواتبه بالخارج..يروح لامريكا او بيريطانيا او استراليا وياخذ الشهاده من برع لانها بصراحه تكون احسن واقوى من شهايدنا المحليه وبسرعه يقدر يتوظف فيها…