——————————————————————————–
مرحبا .. موضوعي واقعي ما فيه لا تأليف ولا شي … طبعا الجميع يقول ان المواطن كسول ومب مال شغل .. مايعتمد على نفسة .. و مع الطفرة الاقتصادية في الدولة بدا بعض المواطنين حليلهم بفتح مشاريع صغيرة على قدهم … على اساس تكون نواه يكبر بعدها المشروع .. خلاصة الموضوع اي مشروع لابد له من موقع .. في البداية نتوجه الى مراكز التسوق لين ما تلقى الشخص المسؤول عن التاجير يبالك اسبوع على الاقل خصوصا لو لابس كندورة جربوا البسو كندورة وروحوا الادارة في اي مول شوفوا كيف يكلمونكم ؟؟ المهم بعد ما تلقى المسؤول طبعا من الجنسيات المعروفة قوم هيك و ازيك و كيسا هي … والله من شوف رقعة ويهك على طول يقول امبوسبل ؟؟؟ نو بليس خيبة حى بدون ما يعرف شو تبا .. و بعض الدوائر الحكومية … يقولون انهم اختاروا افضل عرض .. تخيلوا انا حاط سعر الفطيرة ب 3دراهم .. و مطعم ثاني حاط سعر الفطيرة ب 16 درهم اختاروا المطعم الثاني .. اونه عروضة افضل سبحان الله ؟!! حتى موظفات السيتي سنتر شوي و بتعطيك كف على ويهك اذا تميت تستفسر ؟؟ باكستانية جنسيتها … والله حتى في وافي على طول الهندية قالت امبوسبل والله العظيم بدون ما تعرف الموضوع او السالفة ؟؟؟
لاتقولون المراكز محتاجة محلات ماركات ؟ لانه وااايد اكشاك تبيع نعول مال الحمام ؟ تكرمون و فيه يبيعون سكاكين ومقصات اضافر ؟؟ الحين هاي مشاريع ماركات حد يوافق عليها بس لانه من ربعهم ؟
الحين نحنا المطلوب منا بس نشتري وبس ؟؟ مالنا حق نستوي تجار صغار ومالنا حق نستثمر في بلادنا عنبوة تصدقون مالك مخبز تخيلوا شو جنسيته ؟؟ كوري الحين هذا الكوري من كوريا ياي شو عرفه بالخبز و الطحين ؟؟؟ نحنا ما نحسد حد بس اهل الوطن اولى .. و بعدين افتحوا المجال للغير
الى مراكز التسوق .. والجامعات .. والدوائر الحكومية ..مستعدين نحنا بندفع اي مبلغ للايجار …بس على الاقل عطونا موقع لو متر ؟؟ بس نطلب الانصاف … في وطنا
أبسط مثل شي لو حتى منتدى سويت دعاية عن مطعمك… حذفوا موضوعك
[/size]
في الجريدة كان في مول جديد في عجمان بيفتح
واماجرين 60% من المحلات وكانو حاطين اعلان للي يبا يستاجر
جرب حظك .. مع انه اسم المول ما يشجع بس كل واحد ورزقة وخاصة ما بيكون عندك منافس غير ( فطاير اميجوس)
بس كل واحد وشطارته وكيف يقدم عروض افضل
اتمنى لك التوفيق
انته ابتدي ونحن بنشجعك .. وبنطلب من عندك وانسوي لك دعايا
بس فيه شيء واحد من وجهة نظري
لوو يكون اسم الفطاير او المحل لاسم افضل من هذا لانه راح ايكون لك زباين من جميع الجنسيات والاسم يعني private نوعا ما…
ما ادري شورايك اتسوي استبيان بتغير الاسم واتشوف اراء الناس
السلام عليكم
المشكلة يوم تتصل او تروح عند احد من اصحاب الشركات او المؤسسات
وفي المنتديات نحن لازم نساعد بعض
يوم تروووووح عنده وتقوله عطني بنفس سعر اخر عرض وصلك ، يب يسوي نفسة شاطر عليك
لالالالالا
او يحولك علي شخص ثاني …الخ
الله المستعان
ذا نحن مع بعض مو متعاونين كيف بطلب من الطرف الثاني ان يتعاون معنا …
كلامي من تجربة الا ما نذر …