السلام عليكم ورحمة الله وبركاته
اخواني عندي جت سكي ياماها وفيه مشكله انه لما العب به بعد 5 دقايق من التشغيل يقطع ومايمشي الا اذا قعدت احرك الدراجه يمين يسار فالبحر تتعدل وتروح التقطيعه
المهم
وديت الدراجه محل Eep فالبطين وكل مره يقولي شي خربان فالدراجه اول شي قالي فالكربريتر وسرت خذت له سامان تقريبا ب 500 وبعدها قالي فالمروحه شي سامان متكسره وسرت خذت لها سامان ب 800 وبعدها قالي قطعه داخل فالمكينه اسمها فرويل سعرها تقريبا 900 المهم وكل مره يقولي قطعه ويوم اييبها ويبدلها وينزلها البحر تطلع نفس الشي مول ماتغير شي فالدراجه طلع ( رمسته كلها خرطي في خرطي ) المهم اخر شي قالي الحين في قطعه اسمها الستيتر خربانه يباله تغير وسعرها تقريبا 800 المهم شو رايكم في رمسته ؟؟؟
والله تعبت وانا اييب له السامان كل مره يقولي من شي ويطلع مب من هالقطعه يعني كل القطع اللي غيرها قبل سليمه مافيها شي وهو يالس يلعب علي
ولين الحين هالمشكله وماعرف اييب له القطعه اللي يباها ولا لا
9 thoughts on “اريد حل لمشكله بالجت سكي”
Comments are closed.
مرحبا ياعابر سبيل اخوي بأسالك الدراجه بدلت لها بساتن وكد لمست الكرنك مالها بلحام او اي شي يعني سويتلها اوفراول كامل من بساتن رنقات كاز قيت وكربيتر تنظيفه وكازكيت ,لانه ممكن تكون المشكله في الكرنك كون الفلويل راكب على راس الكرنك والاستيتر بعد وهناك توجد قطعه اسمها تراغر وهي اللي تمد وايرات البلكات بالكهربه واذا الفليويل مش راكب صح معناته في حلل في الكرنك ولو كان بمسافة ملم لانه الكهربه توصل متاخره ممايسبب دوران المكينه لمده قصيره وتبند مره ثانيه ،وقد تسبب صوت انفجار بسيط من في الكزوز نسميه باك فير وهذا سبته خلل في ميزانية الكرنك والظاهر انك وايد تقفز بالدراجه ورا اليخوت والموي اخوي وانته عاطنه ريسها كامل، واسمحلنا على الاطاله
اخوي انا بسال وبردلك الخبر الاكيد لانه اخويه خبرة جتسكيات
جي بي ار 1200 كربيتر 2003
ومبدل كل سامان المكينه وماكان فيها شي قبل واستخدمها من 3 سنوات بس هالمشكله يتني مره وحده
عندي نفس الشي دراجه ثانيه انجكتر 1300 موديل 2005 وكان فيها تقطيعه وكل مره قعدو يقولون لي يب هالقطعه وهالقطعه لين اخر شي خلوني ابدل كل سامان المكينه كلفتني في حدود 10000 ولا قدرو يعرفون من شو التقطيعه
والمشكله رجعت الهم مره ثانيه يبت هالدراجه عندهم
ههههههههههه الله يعين
مول مايعرفون شي فالتصليح لو بييلس يقولي بدل وبدل انا بروحي ببدل كل سامانها فالبيت مايحتاي اسير الهم
انا وديتها عندهم عشان يطلع لي المشكله من اول مره من غير لف ودوران
الغالي ترى هاااي المحلات مالت التصليح مايعرفووون شووو الخربااان بس يقووولك يب يب لين مايووووصل للقطعه الخربااانه هاااي المشكله في المحلااات خلني انا بسااااائلك شوو العطل الي عندك وبخبرك ان شاء الله ..