السلام عليكم ورحمة الله وبركاته
كيف الحال ان شاء الله بخير 
قررت اخذ لي موتر
وسعره يكون في حدود 220 الف
وما تفرق مستعمل ولا وكالة
فـ بشو تنصحوني
بغيت موتر يتم عندي فوق 5 سنين وما يشكي من شي لا خرابات ولا عفسه
انا الصراحة فكرت في اكثر من موتر
مثل
GS 460
وجفت بعد
كلايسلر SRT
وحصلت بعد ls460 على 200 الف مستعملة
حلوات لكن قلت قبل كل شي بجوف راي اخواني 
المهم بشو تنصحوني
انا افكر اما على صالون ولا فورويل سبوورت
وداش في خاطري G55 لكن 2010 وايد غالي
فهل بحصل من الموديلات الجدام لكن محول 2010 ولا 2009؟
والي عنده موتر يعرضة علي
ضحكني ردك لان السيارات ماتخترب ف السرعه السيارات تخترب بالاهمال
اخوي وجهه نظري اي موتر بتاخذه حافظ عليه
و المحافظه عليه من ناحيه السرفس يعني سوله سرفس بشكل منتظم
اظمنلك انه الموتر بيتم وياك اقل اقل شي 10 سنوات
انا اجوف اذا تبي قوه و صوت حلو
خذلك كرايزلر لان وايد حلو سواقته قوته مواصفاته بس عيبه انه قطع الغيار غاليه شويه
و اذا تبي موتر راحه و قوه خذ لكزس مافي احسن عنه في الراحه
و اذا تبي موتر بر و مدينه خذلك لكزس ال اكس او نيسان 400 حصان
و اذا تبي موتر مواصفات و راحه و قوه خذلك انفنتي fx50s
و انا اجوف احسنهم ال fx50s
رخيص مواصفاته حلوه و قوي و مريح لابعد الحدود^^
موفق بإذن الله … لك مني أجمل تحية .
لو آنآ مكآنك لكزس..(ls)
1 آقل خرآبآت
2 مب غآلي لذآق آلزود
3 قطع غيآر متوفره ورخيصه
4 مع آلمحآفظه عليه يعمر
5 له هيبه ^^
وعن آلنيسآن ..آممم ( وجهه نظر ) آذآ فكرت تآخذه آنتظر عليه ولأ تستعيل..على وعسى تظهر فيه مشآكل مثل بآقي آلسيآرآت آلى آول مآنزلت كل آلشبآب عليهآ بعدين تظهر مشآكلهآ
نصيحتي لك خذلك ls460 سياره مكده وراحه…عليك تعبيها بترول وتبدل سفايف وآيل وامووورك طيبه
خذلك شي يديد ويتم شكله يديد لين 4 5 سنوااات
حرااام تاخذ سيااااره الحين وبعد سنه والا سنتين يتغير شكلهاااااااااااااا
خذلك نيسان اليديد عندك 6 انوااع واختاار الي ينااسبك
شي يديد وما بيتغير الشكل الا بعد 6 سنواات
وجهة نظري والسموحه منك