يعطيكم العافيه اخواني الاعضاء ..وعساكم على القوه … دائما كل ما اكون في محطه ادنوك …. الاحظ مجموعه كبيره من الناس تستخدم بترول خصوصي .. والمعروف ان الخصوصي سعره اغلى من سعر البنزين الاحمر …. والسبب غير معروف بالنسبه لي ….

مع العلم …اني انا من كم سنه استخدم البترول الاحمر … والسيارات الي مرت علي … وكنت استخدم فيهن البنزين الاحمر …. بورش كاين … و …. مرسيدس 350 s ……و تويوتا ستيشن 2009 … وفي الحقيقه طول فتره استخدامي للسيارات المذكوره .. ماصادفتني .. مشاكل في السياره …. ولا حسيت بفرق في الاستخدام …لا من ناحيه عزم ولا من ناحيه …. صيانه …..

وفي يوم من الايام … كنت ارمس عن هذا الموضوع … وكانت ردت فعل الناس …. انه مستحيل …. يعبون من البنزين الاحمر …. بحجه …. انه نوعيته سيئه … وهذا السبب انه رخيص مقارنه بالخصوصي …..

بأمانه انا ماحسيت فيه فرق بينهم .. ماعدا السعر ….

واحب اسمع ارائكم…. في هذا الخصوص

44 thoughts on “ادنوك .. بترول سيارتك … احمر .. ولا … خصوصي (موضوع للقاش)”

  1. مشكورين على الموضوع الجميل المفيد ويستاهل التثبيت

    من تجره شخصيه يوميه مدت سنتين
    التيما 2,5

    الاخصر يمشي من 400 _الى 450 كم سرعه تحت ال140

    الاحمر يمشي من 450_600 كم بنفس السرعه بنفس السرعه
    الاحمر مره وصلته 700 كيلو في من فل مره وحده وانا على خط
    يعني تقريبا فرق 100 كيلو على التفويله الوحده *_^
    كل واحد يحسب ويقايس ويشوف الافظل والاوفر والاحسن والانسب والاريح له ويعبي وتظل المسأله نفسيه عند الاغلبيه ^_*

  2. هذا انت قلت ضرفية اقل وارخص بس ماقلت انه سيئ!!؟ عجيب امرك

    الناس مب مستعده تخرب سياراتها عساس فرق خمس ولا عشر دراهم

    الاحمر ماينفع بالمره وقصر من عمر المحرك

    بس مب معناته نه نن راضيين برتفاع سعر البترول

    هذا شي والسعر شي ثاني نحن نتكلم عن اداء المحرك الحين مب عن غالي ورخيص

    تخرب سياراتها ؟؟

    ممكن تذكرلي مثال لسياره اختربت بسبب البترول .. لأنه اول مره اسمع منك انه السياره تخترب !!

    ولا ما كان حطوه ف محطات البترول والناس كلها تعبي

    عيل بترول السعوديه شو بتقول عنه ؟؟؟

    يشحنون لهم بترول خصوصي من الامارات عشان ما تخترب سياراتهم ولا كيف ؟؟

    حدث العاقل بما يعقل .. انظف ما قلنا شي .. بس يخرب السياره وسيء .. اسمحلي غلطان انته

  3. هذا انت قلت ضرفية اقل وارخص بس ماقلت انه سيئ!!؟ عجيب امرك

    الناس مب مستعده تخرب سياراتها عساس فرق خمس ولا عشر دراهم

    الاحمر ماينفع بالمره وقصر من عمر المحرك

    بس مب معناته نه نن راضيين برتفاع سعر البترول

    هذا شي والسعر شي ثاني نحن نتكلم عن اداء المحرك الحين مب عن غالي ورخيص

    شفت ردك والي اقتبست منه

    انا اقول انه الخصوصي ارخص دام انه يمشيني اكثر

    بالمعادلة

    420 كليو ب 74 يعطيني 5.7 في الخصوصي

    350 كليو ب 69 يعطيني 5.0 في الاي بلس

    يعني الخصوصي ارخص لي

    والاوكتين مناسب

    فمب السالفة رخص او خراب

  4. السلام عليكم

    سيارتي 1.6 4 سلندر

    وجربت كل انواع البترول

    الملاحظ انه اي بلس يمشيني 350 كليو

    وخصوصا اذا سرعت او الار بي ام كان فوق 4 من 8

    اما اذا الار بي ام تحت 3 فيمشيني 540

    اما الخصوصي فيمشيني 420 كليو

    في السرعات العالية

    واذا الار بي ام تحت 3 يمشيني 600

    وفرق السعر فول تانكي اي بلس 69 درهم

    وفو تانكي خصوصي 74 درهم

    ففرق بسيت

    اما الممتاز يصرف اكثر من الاي بلس في السرعات العالية

    والاداء نفسه ما فرق

    هاي مداخلتي

    وانا غيرت من الاي بلس لين الخصوصي

  5. انا مااصب إلا الاحمر إلا إذا كنت مجبور صبيت الاخضر والامور بسهاله والسياره تيب لين الميه والاربعين عقب موت والهوا وياها واشوف هالشي يسدني و والرب يساعدنا على الياي

Comments are closed.