يعطيكم العافيه اخواني الاعضاء ..وعساكم على القوه … دائما كل ما اكون في محطه ادنوك …. الاحظ مجموعه كبيره من الناس تستخدم بترول خصوصي .. والمعروف ان الخصوصي سعره اغلى من سعر البنزين الاحمر …. والسبب غير معروف بالنسبه لي ….
مع العلم …اني انا من كم سنه استخدم البترول الاحمر … والسيارات الي مرت علي … وكنت استخدم فيهن البنزين الاحمر …. بورش كاين … و …. مرسيدس 350 s ……و تويوتا ستيشن 2009 … وفي الحقيقه طول فتره استخدامي للسيارات المذكوره .. ماصادفتني .. مشاكل في السياره …. ولا حسيت بفرق في الاستخدام …لا من ناحيه عزم ولا من ناحيه …. صيانه …..
وفي يوم من الايام … كنت ارمس عن هذا الموضوع … وكانت ردت فعل الناس …. انه مستحيل …. يعبون من البنزين الاحمر …. بحجه …. انه نوعيته سيئه … وهذا السبب انه رخيص مقارنه بالخصوصي …..
بأمانه انا ماحسيت فيه فرق بينهم .. ماعدا السعر ….
واحب اسمع ارائكم…. في هذا الخصوص 
شكلك يالس تسوي دعايه حقهم
ما يخصه ياخووي
و على فكره خلك على ادنوك احسن لك ترا تفرق في طريقة المعالجه …..
و بترول شيشة الامارات اييبون الخام من برع …………
و الخام الي في ادنوك يعتبر من افضل الخامات في الخليج …
ههههههه يا جماااعه إلي ما يعرف لا يتفلسف
الفرق بكل بساااطه إنه البترول الاحمر 91 يعطيك نسبة اداء اقل من السوبر
لأن الاحتراق يكون اسرع و ما تسمع (knocking) في المكينه
91 و 95 و 98 هي عباره عن ارقااام قياسيه للأوكتين … و نسبة النقاوه ما يخصها في السالفه ……….
عسب جي المصافي البتروليه يسوون معالجه حق النفط الخام !! و عقب يسوون معالجه حق الجازولين و عقب يخلطونه بمواد ثانيه و ينتجون هالارقام
و اصعب شي انك تنتج 98 اوكتين لأن المعالجه يبالها شغل شغل ………. لهالسبب هو اغلى
قبل كان البترول فيه رصااص … بس الحيييين منعووووو انتاج بترول فيه رصااص …
قبل كانوا يضيفون الرصااص عسب يرفعون الاوكتين و يستخدمون ال MTBE بس الحييييييييين منعوا استخدااامهم دوليا عسب الاخطار البيئيه و الصحيه
انا يالس اتفلسف لأنه هاي شغلتنا
الله يوفق الجمييع اشكركم على الموضوع الرائع
السلام عليكم ورحمة الله وبركاته
الصراحه شد انتباهي شي فالموضوع :
انه 90% من الردود كلهم يعبون خصوصي .. وهو الاغلى
مع توفر الاحمر بسعر ارخص وصرفيه افضل !!
وبعدين تقولون زادوا سعر البترول .. وخساير .. وفلسنا .. وصرفيه
شي عجيب الصراحه !!!
السلام عليكم ورحمة الله وبركاته
أنا شخصيا عندي في سيارتي عبالسلام عليكم ورحمة الله وبركاته يت كذا مرة
الفرق الوحيد الا حسية فيه هو
أنا يخلص بسرعة
أسرع من الأخضر
ومن فترة ملاحظ ان بترول أدنوك يطير بسرعة
الحين غيرت على محطات الأمارات يمشي الموتر أكثر
عن تجربة وقياس يومي وبنفس السرعة