يعطيكم العافيه اخواني الاعضاء ..وعساكم على القوه … دائما كل ما اكون في محطه ادنوك …. الاحظ مجموعه كبيره من الناس تستخدم بترول خصوصي .. والمعروف ان الخصوصي سعره اغلى من سعر البنزين الاحمر …. والسبب غير معروف بالنسبه لي ….

مع العلم …اني انا من كم سنه استخدم البترول الاحمر … والسيارات الي مرت علي … وكنت استخدم فيهن البنزين الاحمر …. بورش كاين … و …. مرسيدس 350 s ……و تويوتا ستيشن 2009 … وفي الحقيقه طول فتره استخدامي للسيارات المذكوره .. ماصادفتني .. مشاكل في السياره …. ولا حسيت بفرق في الاستخدام …لا من ناحيه عزم ولا من ناحيه …. صيانه …..

وفي يوم من الايام … كنت ارمس عن هذا الموضوع … وكانت ردت فعل الناس …. انه مستحيل …. يعبون من البنزين الاحمر …. بحجه …. انه نوعيته سيئه … وهذا السبب انه رخيص مقارنه بالخصوصي …..

بأمانه انا ماحسيت فيه فرق بينهم .. ماعدا السعر ….

واحب اسمع ارائكم…. في هذا الخصوص

44 thoughts on “ادنوك .. بترول سيارتك … احمر .. ولا … خصوصي (موضوع للقاش)”

  1. عن تجربتي ..

    قبل كان عندي استيشن ومن أول مانزل بترول e plus كله كنت اعبي موتري منه وساعات اعطيه خصووصي

    وعقب تقريباً سنة قمت احس انه الاستيشن ما يشل ابعمره واحس انه مشيه اتغيّر وايد خاصه على الخط والقوومة

    بس الفرق مب وايد يعني بس محسووس

    المهم عقب قمت كلّه اعبيه سووبر واحط منظف الانجكترات …

    كل كم يوم اعطيه منظف انجكترات .. والله انه رجع عزمه الاولاني ومن عقبها تميت اعبي سوبر وخصووصي ,.
    لين بعت الموتر ..

    والحين اكثر شي اعبي خصووصي وفي اوقات اعبي سوبر في الفتك

  3. انا عن نفسي عندي التيما واصب اخضر
    بس شكلي بغير عالاحمر
    واللي اعرفه انه ياثر عالسياره بس بعد سنين طويله
    ويعني السياره كم بتعيش عندك؟
    بالكثير 5 او 6 سنين وعقب غير

  4. بو شهاب مب لهدرجه نغير فلتر البترول

    عادي اذا غيرت مره ومرتين لاكن ماييك واحد وكل يوم حاط مره احمر ومره اخضر
    بهالحاله هذه المكينه تودع ونا اذكر عضو طارح موضوع يتشكى من سيارته واسبه انه يخلط اخضر واحمر دايما

    ( العزم ) يفرق الاخضر افضل

    لكن الالتيما والكامري وهالمواتر هذه الاحمر انسب لها

  5. صرآحه موضوع فنآن

    آلى آعرفه آن كل فئه من آلبترول له سرعه حرق معينه وتختلف كميه آلآوكتين آلى فيه

    بآلنسبه لسرعه آلآحترآق آلآزرق ف آلمقدمه بعدين آلآخضر وآخر شي آلآحمر

    وكميه آلآوكتين نفس آلشي آلآول آلآزرق بعدين آلآخضر وآخرهآ آلآحمر

    وكميه آلرصآص يقولون تآثر بس مآتآثر بشكل ملحووض يعني بعد سنين سنين

    وبآلنسبه للي يقول مآفي فرق بآلعزم آلسموحه من آلبعض بس في فرق بآلعزم

    جرب آلآحمر وبعد فتره حط آزرق وشوف

    بس يآشبآب آنآ سمعت آن مب زين للمكينه كل فتره تغير نوع آلبترول صحيح ولآ ؟

    وآنك لأزم تغير فلتر بترول لمآ تبدل نوع آلبترول عندك

    عسى تفيدونآ ^^

Comments are closed.