نعم انه اخطر تقاطع في ابوظبي هذي الايام
انه تقاطع جسر المفرق الجديد
وهو من اقدم الجسور بابوظبي والان بيصبح اضخم جسر في ابوظبي
ولاكن الغلط اكيد يامن المرور او من شركة الجابر منفذة المشروع
الحوادث كل يوم على مدخل التقاطع والسبب
مدخل التقاطع الانحناء خطير جدا وانته قادم من بوظبي متجه للعين
تلف يسار بشكل رهيب
الظاهر الشركه حبت تختصر كمية القار وبذالك تخف التكاليف على حساب الناس
ياخي انا دخلت بسرعة 100 كم وحسيت ان انحنا السياره بسرعة 160 كم
يعني كأنك داخل لفت فريج
وهذا شارع هايويه يعن اقل واحد يمشي 120 كم
الصراحه لو تركزون على القار بتشوفون العجب العجاب من مشاوح السيارات
وفي اليوم الواحد مايقل عن 3 حوادث خطيره تستوي على هذا التقاطع القاتل
وين المرور يوم خططت الشركه الشارع
وهل بينسكت عن هذا الانحناء الخطير جداجدا
اللي بيكون لمدة كم سنه
اتمنى من مرور بوظبي التدخل بسرع وقت ممكن
ولو اني ادري ان الحل بيكون المطبات
بس لو صدق حطو مطبات بتكون قمة المهزله
الواحد يوم يشوف تقاطعات دبي يسكت
ارواح الناس مب لعبه ويجب على الشركه مراجعة مخطط التحويله
ودمتم
اليوم قبل المغرب بدقايق في سياره لكزس تدهورت في التقاطع المذكور
الصراحه عاجبني التفاعل بين الشباب فى مواضيع حيويه و هامه و هذا احد اهداف المنتديات الراقيه – يعطيكم الف عافيه…
تحويلة المفرق او اللفه بالذات زياده على شدة انحنائها فهي ايظا غير مستويه الارضيه!!! بها الكثير من التعرجات التي تجعل من السياره تشوح و ممكن تفقد السيطره اذا السائق غير منتبه جيدا.
المرور اعلن فى الصحف ان الرادار عدلو سرعته الى 101 كم و ان السرعه مراقبه بشده بين جسر محوي و بنى ياس(101كم)…. و مع هذا انا كنت اخفف السرعه فعلا خوفا من الرادار الى اقل من 100 و لكن يظل المنحنى خطير و خاصه اذا دخلته مع سيارات اخرى بجانبك فتجعلك معرض اكثر للوقوع فى حادث.
المشكله ان السرعه الجديده غير واضحه على الطريق نفسه (غير متاكد – لا لوحات تحذيريه).
الارضيه غير مستويه و توجد حفر صغيره فى وسط الطريق و فتحات مجاري او غيرها فتؤثر فى حركة السياره.
نرجو السلامه للجميع
صدق ان السرعه عنده 80 ووايد
صدقني ياخويه يرومون يسون الحل
والحل بسيط معروفه افكار المهندسين تدري شوه الحل اللي يضحك
(( بيسون مطبات )) في شرع دولي
ولو صار بتكون قمت المصخره
وتسلم يالحبيب
اخواني السرعه هي سبب الوحيد…..في الحوادث
انا كذا مره مريت بهذا الشارع والحمد الله الاموور
طيبه…شي لوايح وكاتبين اعمال طرق وكاتبين خفف السرعه ليش يعني الواحد يسرع…
وبالنسبه للاخوان الي تكلموا عن تاخير المشاريع
في بوظبي …اخوني انتوا لا تقارنون المشاريع الي تصير في بدبي ابوظبي…بالنسبه لجسر الشيخ زايد
لو كان شي ضغط على شارع مصفح وجسر المقطع ما عتقد راح يطول جسر الشيخ زايد وراح تم انجازه باسرع وقت بما انه الاموور طيبه وماشي زحمه كبيره عادي خلوهم يشتغلون ع راحتهم وكلما طالت المده قلت التكاليف وكلما وقلت المدة زادة التكاليف..
الله المستعان
وتسلم على الصور القيمه
18 في ثلاث ايام
ياخراب مالطا