ابا كل واحد اتعامل ويا حد من تجار السيارات الواردة
عن طريق منتدى الامارات للأوراق المالية..
يخبرنا اسم الشخص؟؟
وشو السيارة اللي اشتراها؟؟
ومن أي دولة؟؟
وكم المدة اللي وصلت فيها السيارة البلاد؟؟
وشو استعمال السيارة ؟؟
يعني نبا التجربة كاملة …
عشان الكل يستفيد
لا جــديــــــــــد ….؟؟؟
السلام عليكم ورحمة اللة وبركاتة
موضوع شيق جدآ وياريت لو حد من الأعضاء يفيدنا بتلك المعلومات
يزاك الله خير على الرد اخوي
بس بعدك ما رديت على سؤالي ..
هل إنت نفس الشخص اللي سعود كان يطرش الشباب له سواء بالإتصال او بالإسم .. انا مب ذاكر الإسم عسب احطه هنيه ..
اللي اذكره هذا الرقم 3182222 .. بس اتمنى منك رد بسيط ومباشر .. هل إنت نفس الشخص اللي كان يمثل سعود في البلاد هنيييه .. وإلا لا؟ .. بس للتوضوح ..
انا على حد ما اذكر انت الشخص بس حبيت اوضح للجميع وتوضح لي الصوره معاهم .. إذا كان اللي انا متصورنه صحيح خير وبركه وبيكون اننا نحن اللي بنشتري بنعرف مع منو يالسين نتعامل معاه .. .. وإذا كنت انا غلطان بيكون التوضيح اللي بتحطه من مصلحتك إنت بالمقام الأول ..
لان في الجاين يلعبو وفي الجايين عشان يتعرفو ويشتغلو على الاقل زياده خبره
انا ارسلت معدات الى ابو ظبي وشاحنات الى سوريا والاردنننننننننن لكن عن طريق الص1فحه الالمانيه واني اشرف وافرح ان ابيع عبره هذا المنتدى الجميل وصح التجربه اكبر مثال
أنا تعاملت مع سعود ولا زلت من عملاء سعود البكر الزعابي والريال سهل علينا الكثير من المصاعب التي كانت تواجهنا في عمليه فحص وشراء وشحن وتخليص السيارات من أمريكا
وفي كثير من الاحيان كنا نحصل سياره مثلا في نيويورك بشرق أمريكا وسياره ثانيه في لوس أنجلوس بكاليفورنيا بأقصى الغرب الامريكي وأخرى في فلوريدا بجنوب أمريكا
الشخص الوحيد الذي كان بإمكانه الذهاب لمواقع السيارات وفحصها لنا وتصويرها والتأكد من سلامتها
هو سعود البكر
وهذه المجهودات التي أعتبرها غير عاديه . أعتقد يجب أن تقدر من قبل الشباب الاماراتي والخليجي
أنا كنت أستعجب من أفعال الريال في البدايه وكنت مستغرب كيف بمقدوره فحص ثلاث سيارات المسافه
بين كل وحده والاخري 3 الى أربع ساعات بالطائره . وكنت أعتقد بأن الرجال يبالغ أحيانا في هذه العمليه
بس اللي إتضحلي بعد ما وصلت السيارات بأن الصور اللتي أخذت للسيارات عند فحصها كانت مطابقه لحاله
السياره لما وصلت البلاد . فأعتقد بأن الريال قد وصل الى درجه ممتازه من العلاقات التي مكنته من فحص الثلاث سيارات في آن واحد . وإني أشكر سعود على جهوده وأنا ممن تعامل معاه وسأظل أستعين بخبراته
وبالفعل ساعدنا هذا الريال وما قصر . صحيح فيه الكثير من الناس يحشون فيه
بس أنا ما شفت منه الا الدقه المتناهيه والقدرات الكبيره للوصول الى السيارات التي إخترتها بأسرع وقت
وصدقوني لو أنه الواحد إنتظر 3 الى 4 أيام من ظهور السياره على مواقع السيارات الامريكيه . كان السياره سلمت على الكوس وإنباعت . بس وصول الاخ سعود لموقع السيارات بأسرع وقت ممكن ودفع العربون مباشره بعد فحص السياره هو الذي أنقذ الموقف وضمن لنا سياراتنا
للامانه . أقول لكل من لديه إستفسار عن الاخ سعود
أرجوكم إتصلوا بنا على الهواتف التاليه 3182222 – 050 أو 4133361 – 050
أو 3726000 – 050 أو 4924477 – 050
وللعلم . الاخ سعود كان من الاعضاء النشطين في هذا المنتدى بس تم طرده من المنتدى لاسباب ما نعرفها
وبالفعل كانت مشاركات مميزه وعروض حلوه بس للاسف الريال مطرود حاليا وما ندري متى بيرجعونه
أو ما بيرجعونه للابد