ابي نصائح حول مشروع مغسلة ملابس

27 thoughts on “ابي نصائح حول مشروع مغسلة ملابس”

1. الامر سهل
   طرشي اخوج يمر على 10 او 20 مغسلة ويسالهم عن الية عملهم
   وبالنسبة للعمال حطي شخص امين يديرهم واذا مشا الحال اوكي
   ولا تصدقين ان المدخول 30 او 25
   مستحيل يبيعها صاحبها اذا كان هذا المدخول الا اذا فيه مشاكل غير

2. و عليكم السلام و الرحمه

   أنا عندي لج راي واحد من ناحية الدخل الشهري و اذا كنتي تخافين من ان العمال يغشونج او شي لا سمح الله

   ……

   أنتي طالعي الدخل في السنة اللي طافت و أسألي بعد العمال الحاليين لو اكدوا لج ان الدخل تقريبا من 20 الى ال 30 الف في الشهر الواحد

   خلي بينج و بينهم عقد

   ينص على انج شهريا تستلمين منهم مبلغ و قدره … (( بدون تكاليف الصابون و غيره ))

   و انتي حددي السعر المناسب اللي تشوفينه اوكي لج

   و لو وافقوا العمال الحاليين .. اتركي الربح الباقي لهم

   بجذيه بتكسبين عمال بيحاولون يشتغلون بهمه علشان يجيبوا دخل أكثر + انتي بتضمنين فلوسج شهريا أنها بتييج ان شاء الله

   و بييج المبلغ صافي يعني ما بتعورين راسج من ناحية تكاليف الصابون و غيره

   هذا مجرد راي مني .. للعلم ليس لدي اي خبرة في هذي السوالف

   +++++++++++

   الشي الاخير … انتي قلتي الدخل من 25 الى 30 … بس هل المحل اجار …؟؟

   يمكن الريال بيبيعج اياها … من معدات و رخصه بس المحل أجار

   و انتي تعرفين الاجارات في بوظبي يعني تقدرين تقولين نص الجيمه او 75 بالميه من الربح راح للأجار

   و الله اعلم

   قيصر

3. اختي الكريمه اذا على المدخول لا تثقي ابدا بما يقال

   اخوج متوهق بحلاق والله يعينه عليه بس.

   اول ما حبيت اشتري قالي بان دخله لا يقل عن 3 الاف بالشهر وبعد المشترى طوالي صار دخله اقل من الف يعني حتى ما يغطي الاجار رغم ان العمال واسم المحل والزبايت على قولته نفسهم بس يمكن الحظ تغير هههههههههه.

   ادعولي بس الله يوفقني فيه لان بصراحه دخل كل المحلات اللي جنبي فاتحين هو مثل ما قال الا محلي والحمدلله على كل حال.

   اخوج

   لهيب

4. دخلها 30 و 25 لكن تحصلينه ما يغطى تكلفة رواتب العمال واجار المحل
   وبعدين ممكن الاجهزه اللى عنده كم عمرها
   ما انصحج بالهشغله
   اذا عندج راس مال انصحج تدخلين اى محفظه على ال 100 الف يدفعون لج اقل شى 5000 الاف شهريا وشيك ضمان بال 100 تسحبينه اى وقت بس قبل 3 شهور تخبرينهم
   الله يوفق الجميع

5. اختى الفاضلة/

   بالنسبة لمشروعك من ناحية نشاط مغسلة ملابس فكرة ناجحه باذن الله لكن بشروط::

   قبل البدايه فيه مثل يقال (( لو فيه خير ما عافه الطير ))

   وانا هنا لا اقصد بهذا المثل اي شي لكن الحرص واجب دايما وخاصة عندما يذكر لك شخص ان ارباحه بهذا المبالغ الخياليه لعدة اسباب::

   1_ هل موقع المغسلة داخل حي سكنى وهل هي الوحيدة لهذا الحي او يوجد نشاط اخر لها.
   اذا كان الجواب نعم (( فيلزم بعدها مراجعة الفواتير الخاصة بالمحل .. ومراجعه فواتير مستلزمات المحل الشهرية مثل الصابون ،، علاقات الملابس ،، الاكياس ))الخ..

   2 ـ شكل المغسلة الخارجى (( هل يوحى ان المغسلة نظيفه ،، هل هي مرتبه ،، هل واجهة المحل فتحه واحدة او فتحتين. ،،،، هل الشكل الخارجي للعمال مرتب ونضيف ….)

   3 ـ الاهم من ذلك كله (( معدات المغسلة ،، كم له سنه تعمل…)) اذا كانت سنتين فاكثر..لابد ان تكون في الحسبان…

   4 ـ مكائن البخار اذا كانت اكثر من ثلاث سنوات … فانصحك بعدم التسرع في الشراء الا بعد فحص فنى لها واعطاء الحاله لها وكم تكون صلاحيتها ..

   5 ـ اما بالنسبة لموضوع الصابون واغراض المغسلة … هذا من اسهل الامور ولا تشيل في بالك الامور هذا لانها ليست رئيسية من الدرجة الاولى في عمليات البيع والشراء ..

   هذا ما احبتت اضافة مع اخواني وهو من باب التعاون على الخير وابداء المشورة

Comments are closed.