مرحبا بكم جميعاًَ..
بالحقيقه انا قررت اشتري مغسلة ملابس بأبوظبي.. جاهزة بمعداتها ورخصتها التجارية دخلها الشهري حسب مايقوله صاحبها السابق انها مابين 25 الف إلى 30 الف
ولكن لا املك اي معلومات عن المشروع واحتاج الى نصايح كثيره ومعلومات حتى لايفشل المشروع
ووضعت هذا الموضوع لكي استفيد من تجارب وخبرات الاعضاء
ولكي نفيد ونستفيد..
والا اعرف كيف ابداء وماهو المطلوب مني..
اتمنى ان نتعاون لكي يستفيد الجميع من الموضوع..
وماهي متطلبات لمشروع
تكاليف المشروع
الاداره
العماله ” هل اقبل بعمالها الموجودين فيها او اغيرهم بعمال آخرين
الاسعار
احتياجات المغسله بالكامل” يعني كيف اشتري الصابون ولوازم التنظيف بأقل الاسعار “
هذا هو محور النقاش
اتمنى المشاركه منكم
لاني بصراحه متوهقة ومابي يضيع شقى عمري وتطير فلوسي ويفشل المشروع..:kkkg7:
يودي فلوسك اذا كان هل دخل على ماتقولين ليش بده يبيعة
واذا ماعندك خبرة في هل شيئ اتركية
تحياتي
أختي ….
لاتكون المغسلة هذي اللي في النادي السياحي ؟؟؟؟؟؟
ما أريد أذكر أسمها لانه موب زين ….. والسبب انهم خسرانين وايد
لاني أعرف مغسلة خسرانة في النادي السياحي وعرضت عليهم خلو وأدفع الايجار بعد المتأخر مالهم لكن ماطاعو …؟؟؟
بالتوفيق اختي
ارباب انته عجيب شراتي ما تقتنع بسهوله
ما شاء الله عليك alqnnas_reeal_estate كفيت ووفيت
بس يا أم زايد ما أنصحج في هذا المشروع أبداً .. بعض الهنود شياطين وبتتلعوزين وياهم..
يعني عادي يسوون دفتر فواتير ثاني وباسم المحل ( زبون يعطونه فاتوره مال المحل وزبون يعطونه فاتوره من عندهم )
كيف بتعرفين ….؟؟؟؟؟
هل بتحسبين الكنادير اللي موجوده بالمحل ولا الكنادير اللي في الغسيل ولا الكنادير اللي موجوده عند الشركات ؟؟؟
تخيلي عامل يسرق او ما داوم يوم يومين وانتي تقولين له ليش تسرق او ليش ما داومت وهو ولا مهتم وعادي يعلي صوته عليج!!!! شافج حرمه
( اعتقد في هالحاله بتندمين في اليوم اللي اشتريتي فيه المغسله )
انا ما احطمج على التجاره لكن ادخلي في الامور اللي تخص البنات احسن ويكون طاقم العمال بنات
اعرف كم واحد من ربعي مواطنين بطلوا مغاسل وما كملوا ست اشهور وبندوا
على العموم هذا رايي
ولكن فيني فضول بكم طالب في المغسله
أنا إذا كان المشروع لي ودخله 20000 شهري صافي الربح غض النظر عن الموقع والتكلفه
ماببيعه بأقل من 400000 ولومحياج سيوله
إلا إذا البنايه بتنهدم أو بإختصار في شي بيأثر على الدخل إن كان داخل المغسله أوخارجها
أختي أم زايد : مع احترامي لأراء الجميع
في حالة شراء مشروع تجاري قائم أول شي يسويه الواحد وبناء على كلام المالك بأنه الدخل ( 25000 ) درهم
1- طلب فواتير ودفاتر الدخل لأخر ست او ثلاث اشهر
2 – بطاقات رواتب العمال لمعرفة اجمالي الرواتب ( لأنه تحسب من التكلفه الشهريه للمشروع )
3 – اطلبي فواتير شراء المواد ( الصابون والمنظفات بحجة معرفة تكاليف شراء المنظفات ) بتكوني عرفتي الاسعار والمصدر .. واحسن مصدر منظفات هو مدينة عجمان ولو عزمتي انشاءلله بنساعدج
4 – تطلبي صوره من عقد الايجار وتروحي البلديه لو كانت البنايه قديمه وتتاكدي لو عليها انذار هدم واعادة بناء وفي بعض الاحيان يكون هذا سبب البيع مع ان المشروع مربح ( تاكدي اول شي من هالموضوع )
5 – مهم جدا وجود محاسب قانوني يوم بتشترين المشروع لعمل حسابات الدخل والتكاليف ولو احتجتي مساعده في موضوع الشراء نحن اخوانج وبدون مقابل ممكن نوجهج كيف تسوين الاجراءات ع الاقل
ادرسي جدوى المشروه بالنسبه لرأس المال لو كان يتجاوز عشرين بالاميه من راس المال سنويا اتكلي على الله
اتمنى لج التوفيق والرزق الوفير لج ولكل اعضاء منتدانا