السلام عليكم ورحمة الله وبركاته ..

ابي تواير 900 حجم 17 للكروزر 2008 . بس ابي محل في دبي .. وين ؟؟؟؟

وشو احسن نوع ؟؟؟

14 thoughts on “ابي تواير 900 حجم 17 للكروزر 2008”

  1. اخواني انا مركب سيام من ثلاث شهور ومن شهر سويتلهن ميزانيه والحين التواير فيهن نفضه قويه والغريب انه قبل مااركب التواير اليداد كنت مركب قبلهن نفس الشي سيام وكملت7 شهور استخدمهن ولايوم استوت عندي نفضه…حد يخبرني شو المشكله!!

  2. البارحه ركبت 900 سيام على اف جي الصراحه شكله الحين عجب .. والغريب بدون ميزانية ماشي نفضه .. !!!!

    كلامك اخوي صح احسن تواير اسيام واهم شي في السياره التاير ويقول المثل الي يسترخص اللحم تخون به المرقه ادفع اكثر وتحصل الافضل

  3. البارحه ركبت 900 سيام على اف جي الصراحه شكله الحين عجب .. والغريب بدون ميزانية ماشي نفضه .. !!!!

  4. تحذير

    لا تاخذ الميلون ابدا .. التواير بسرعه تتيلف .

    انا عالخط والله 4 تواير اتيلفن عندي (( للعلم التواير من شهر ماخذنهم ))

    اول تاير اتيلف وانطر عالخط بعد 10 ايام وبدلته وبعدها باسبوع انطرن اثنين وباقي التاير الرابع شليته وفريته في الزباله .

    السايمكس والله بهدله وما ينفعون مولية

    للعلم انا سواقتي ما تتعدى ال 140 وماعندي سوالف ويلات وخرشه .

    نصيحة اخ خذلك 900 سيام (( 8 بلي )) من عيمان . لأني جربت كل نوع من تواير ال 900 ماشي احسن من السيام . صح انه غلى الحين بس تدفع في شي يستاهل ويتم عندك مب لشهر وتفره .

    واتأكد من التاريخ اللي مكتوب , واتأكد انهن كانو في قراطيسهم مب اييبلك تواير ويقولك يداد . قوله ابا بقراطيسهم .

    وانصححك تركب لهم رنقات 16 لأنه ال 17 حتى لو حصلت لهم توار 900 الميزانية اتحداك اذا بتضبطها . والرودات بيولن عندك . اخطف لك عالشارجه وخذلك 4 رنقات تجاريات او اصليات مستعمات وانت والخير رباعه ..

    وبالنسبة للميزانيه عليك بالشامي . اللي في الراشدية .

    والسموووحه

Comments are closed.