ابســــالك .. يا حبيبي ؟

مقدمه
تعودنا ان نرى حوارا يجمعنا مع احد الشخصيات الاقتصاديه

لكن هذه المره سيختلف الحوار
سيكون الحوار خالي من الروتين
بلاحدود وبلا سدود
سيكون مع الحبيب البعيد

ولندع الكلمات تحتضن بعضها البعض
ولندع الاحرف تمتزج مع باقي الحروف
لتكون امسيه زهريه نثريه

ابســـــــالك.. يا قلبي .. يا حبيبي ..
من الخاطر..من الخاطر..
عن الماضي..عن الحاضر..
عن احلامك..عن امالك..
عن اللي يحرك احساسك..

ابســــــالك..
عن الحلم في عيون الصبايا..
وعن انكسار العمر وجروح المرايا..

ابســـــالك..
هو صحيح ان كل ماغاب الحبيب كثرة الاشواق..
هو صحيح ان عقب كل وداع فراق..
هو صحيح ان عند نهاية كل حب تنكشف الاوراق..
هو صحيح ان غروب الشمس يعذب العشاق..

ابســـــالك..
ماذا تعني لك الكتابه..
وماذا تعني لك دموع الوساده..
ومتى تاتيك لحظات الكابه..

ابســــالك..
متى الخفوق المكسور يلم جرحه..
ومتى يكون المعشوق في نظر العشاق عبره..
وهل يموت الحب بين الاحباب بعد فتره..

ابســــالك..
عن احساس داخلي..
نيران..
وهج دامي..
وصدى غاره..
عن اللي غلطته سوء اختياره..
لا ليله ليل..ولا نهاره نهاره..

ابســــالك..
منهو يمسح دموعك..
منهو يغسل همومك..
ليش سمو العشاق حبايب..
ليش سمو المبتعد غايب..

ابســـالك..
ليش المشاعر فيك غارقه.. بشفاه ظميا..
ليش القلوب بعضها تصير عميا..
كم تحب والمسا بالشوق والاهات ذايب..
وان سالتك وين حبيبك.. قلتلي هو عني غايب..

ابســــالك.. ابسالك يا حبيبي ..
عن ملامحك..
من شحوب الياس لين ياس الشحوب..

ابسالك..
عن جرحك..وصبرك..
من الحقيقه والهروب..

ابسالك..
عن قلبا بشوقه جريح..
اللي مثل قلبك انجرح..
يا كيف ينسى ويستريح..

ابسالك..
عن الدموع..
كيف امسح دمعتي..
وكيف اضوي شمعتي..
وكيف احبس صرختي..

ابسالك..
كيف اعيش بامل..
والقرب ما هو مستحيل..
واللي وطى درب الامل..
ابدا ما يعترف بالمستحيل..

ابسالك..
ما ارخص عبارات الوفا..
ويا كثر من يعاني الشقا..
وين الحبيب اللي اختفى..

ابسالك..
عن اللي يحرك شجونك..
عن اللي يخيب ظنونك..

دعوه لكم جميعا لاجراء حوار صريح معبر مع احبائكم
واتمنى ان ارى كلماتكم المعبره الرقيقه التي ستزين هذا الحوار

وتقبلوا فائق تحياتي