اذا حد يعرف ايميل حد من المسؤلين في المانيا عشان ارسلةالموضوع
ياريت يعطيني اياة
وشكرا

19 thoughts on “ابا اشتكي على وكالة المرسيدس”

  1. أخوي،

    إسمحلي بهالرمسه، بس هذا اللي أظنه.

    الموتر مافيه ليك في البيب ولا شي. البيبات من الأشياء اللي لازم تكون متوفره بشكل كبير في الوكاله لأنها أشياء إستهلاكيه.

    دامك تزيد ماي في الراديتر كل يوم و ما تشوف الماي يليّك من الموتر، معناتها إن الموتر خالط.

    العشر أيام اللي قايليلك عنها هي الوقت اللازم للوكاله عسب تبطل المكينه و تغيّر البيزات الخربانه و تخرط المكينه و تركبها مره ثانيه.

    و الجماعه يدرون إنك لو دريت بهالشي بتجلب الدنيا على راسهم. قالوا خلنا نقوله إن البيب منطر.

    اييك راي،
    إطلب تشوف الموتر في الورشه.

  2. اخوي نزل صورت المرسيدس الي الي مكتوب عليها عطل فني بالكمبيوتر

    قول حق المدير لو مابدلتو بكتب ع الموتر شراته وبوقفه حذال الوكاله

  3. السلام عليكم ورحمة الله وبركاته

    اخوي اول شئ اتسويه بلغ الكاستمر سيرفس الاقليمي

    وشوف كيف بتكون المعامله

    اسال مجرب

  4. نصيحتي لك وقفه قدام باب الوكاله

    نفس هذا المرسدس الي في الصوره

    والي داخل والي طالع يشووووووفه

    وشوووووووف بعدين كيف بيعاملونك في الوكاله

    بس يوم توقفه وقف شاحنه وراه عشان مايشلونه بونش

Comments are closed.