السلام عليكم
اشحالكم انا عندي مشكلة مع الغتر البيض جربت كل الانواع من بو 20 درهم لين بو 200 السويسريات
المشكلة استخدم بسيط وتخترب السفرة اتبوش او اتحبب اتحسها قديمة
حد ينعت لنا نوع او محل مجرب يبيع نوعية زينة اتكد شوية
39 thoughts on “ابا اشتري غتر بيض”
Comments are closed.
يبالك كل ثلاث شهور ست غتر دنهل سويسري ..
كل شهر غترتين تبدل فيهن وغسيل يدوي بماي دافي وشامبو حمر …
كأن الغتره يديده ..
اخوي انا عندي لك الحل لكن لي كومشن . انا اشتري الغتر السوبر ويل مكتوب عليها في شكل دايره (( نرملس انترناشونال بالاس)) وسعرها 15 درهم ولايقص عليك ويمكن ما تحصلها في كل مكان واحذر التقليييييييد
بعدين لا تغسل الغتر في الغسالة ولا تحطلها اي مظفات ابدا بس تغطسها في الماي وشوف الفرق.
ولا تنساني من الكومشن…….
ومـــــــــــــــــــــــــــنكم نســــــــــــــــــــــتفيد
بس للتصحيح أنه أسم المحل محمود عبدالرحيم عبدالله…. والغتر اللي عنده طبعا جوده سويسريه من أحسن الانواع بالدوله… وشيوخ قطر يطلبون من عنده… مافيه حيله والله خاصه غترة الاعيان الساده او البو حبوب عالاطراف هههههههه…
وبعد انصحك بغترة ديور بس مادري لو ينباعن عنده ول لا… والغتر الحمر مافي غير الدنهل او الجفنشي…
والارماني الصراحه مايستاهل والحمره وايد شتويه…
بخصوص الغتر البيض
أمسات يالسين ويا الشباب نسولف على هالموضوع
خبرنا واحد من الربع
أنه اول الشهر يشتري اربع غتر قوم بو 15 درهم
يكويهن بدون غسيل
والغتره يلبسها أسبوع بس
ومن عقبها يعطي عياله الصغار يلبسونها
وبحسبته … اربع غتر ب 60 درهم شهريا
ولي يشوفه يقول كل يوم بو الشباب لابس غتره يديده
تحياتي للجميع