السلام عليكم
جماعه انا ابغي اسوي مشروع بسيط بمبلغ حوالي عشر ولا عشرين الف
شو ممكن اسوي من مشاريع
اتمنى انكم تفيدوني
بانتظار ردودكم

17 thoughts on “ابا اسوي مشروع صغير ب 10 زلا 20 الف”

  2. مادري ليش بعض الناس هني ترد رد تحبط بالشخص والي يقول 20 الف مايسوي شي , ياخي في ناس بدؤو من صفر والحين شوفو وين وصلو
    انتو تعرفون ان هناك مشاريع مكسبها بالملاين وان راس ماله هو اخر شيئ الواحد يفكر فيه عشان يدخله مثال على ذلك ( تجارة العملات) فليس شرطا ان تكون مليونيرا ليسمح لك الدخول لتجارة العملات بأمكانك الدخول بـ 250 دولار.
    اي تدفع جزء بسيط من السلعة يمكنك أن تشتريها ثم تبيعها مرة أخرى وتحتفظ بالربح كاملاً لك وكأنك دفعت ثمنها كاملاً مما يعطيك الفرصة للحصول على أرباح تفوق رأسمالك بأضعاف مضاعفة وبفترة قد لا تتجاوز بضع ساعات بل أحياناً بضع دقائق ! .
    يسمى هذا الأسلوب بالمتاجرة بنظام الهامش .وهو أسلوب يمكنك إستخدامه في كافة الأسواق المالية وعلى مختلف أنواع السلع والأوراق المالية بما فيها العملات .
    يضل العائق هو المعرفة
    فقلة من يعرفون كيفية العمل بهذا المجال وقلة من يعرفون بوجود هذا الاسلوب اصلا !
    فإذا أتيحت لك الفرصة لفهم أساسيات العمل في العملات وبشكل تدريجي ومبسط وخالي من المصطلحات الإقتصادية المعقدة يمكنك وبكل بساطة من أن تصبح أحد المتاجرين في ف العملات , لكن اياك واياك واياك وان تدحل في هذا السوق وانت لاتعرف شيئا عنها فـ اقل وقت يحتاجه الشخص لتعلم هذا السوق هو سنـــــــــة كاملة .. مع الممارسة كل يــوم ,,,,,,,,,,,

  3. السلام عليكم….

    عندي لك فكرة بس دقة جديمة…

    تحييد شي اسمة ليلام؟؟

    اللي يبيع داخل البيوت و دوم البلدية و الشرطة تراوغة و يعق البقشة و يشرد؟؟

    إذا تقدر على ليلام.. بيدخلن ال 10-20 الف ذهب..

    والله يوفقك

  5. اخوي المبلغ اللي ذكرته ما يفتح لك مشروع الا اذا كان المشروع في البيت وتبيع عن طريق المنتديات والبيوت..

    مثل ارقام الهواتف.. ..أو ساعات ماركات …أو أقلام ماركات ..أو ألكترونيات لابتوبات وألعاب..مستلزمات نسائية مثل المكياج والجلابيات والملابس الداخلية…أو دخون وعطور..طبعا تشتري هالاشياء بالجملة وتحرص على ان تكون بضاعتك منافسه ونوعية ممتازة وسعرها مقارنة بالسوق أفضل عشان الزبون اللي يجيك يرجع لك مرة ثانية..

    أما هالمبلغ صعب..الا اذا كنت عندنا بالفجيرة كنت بقولك افتح لك دوبي ولا بقالة..

    وحماسك حلوو..^_^

    بس أنصحك لا تستعيل واايد ولا تعطي الأمان لأي حد ..وأي واحد بقولك عنده مشروع بعشرة آلاف او عشرين الف والربح مضمون وسريع تراه نصاب..لأن رأس المال مايرجع بسرعه ..وهذي قاعده في التجارة..والتجارة يبالها طولت بال وصبر لين ما اتحس انك تربح ..

    وبالتوفيق ان شاء الله ^_^

Comments are closed.