السلام عليكم
جماعه انا ابغي اسوي مشروع بسيط بمبلغ حوالي عشر ولا عشرين الف
شو ممكن اسوي من مشاريع
اتمنى انكم تفيدوني
بانتظار ردودكم

17 thoughts on “ابا اسوي مشروع صغير ب 10 زلا 20 الف”

  1. اخوي انت عطني افكارك وانا بشوف اذا اقدر اسويها ولا لا

    مرحبا اخوي

    انا اقصد لو مثلا انته لك فكرة او خبره في مشروع في بالك والمبلغ اللي عندك ما يكفي ممكن تطرحها وتدخل بنسبه من فلوسك وفكرة المشروع واكيد راح تحصل حد ثاني عنده مبلغ ممكن يساعدك في تكملة مبلغ المشروع وخاصه اذا كان مشروع مقنع

    او العكس اي شخص يكون عنده فكرة مشروع وتدخل معاه بنسبه من فلوسك

    او تخبرنا انته ممكن تنجح في مشروع او تجاره او عندك خبره في حاجه معينه او فكره جديده وعندك الزبائن

    لانه فيه كثير عندهم رخص وتكون مب مفعله او مو شغاله يمكن الاستفاده منها كأستشمار

    واتمني اذا حد عنده اضافه في الموضوع ما يقصر ويطرح افكاره

  5. لو تزيده المبلغ اشويه يعني اتضاعفه من خمس الى عشر مرات
    اذا ماعندك خبره او معرفه بالسوق شوري عليك تحتفض فيه افضل لانك للاسف صيد جيد (للقمبازيه) الي يدخلونك بمبلغ صغير لجر الرجل وبعد ذلك ما تحس الى وانت في دوامه كبيره صرفت ماورال ومادونك وتسلفت بعد ها اشرايك

    مشكور اخوي على مرورك الطيب

Comments are closed.