إعمار بصراحة ريحت أعصاب المستثمرين اليوم بهذا التصحيح الذي بصراحة كنا بحاجة له وأنا أحبذ عدم أرتفاع مستمر لسهم وخصوصاً أعمار لمدة من غير جني أرباح وثبات أو نزول بسيط .
عموماً السهم سوف يكون له القاعدة المطلوبة خلال الأيام القادمة إن شاء الله ومن بعدها سوف يكون لهوأنطلاقة آخري، غدا قد تكون فرصة إذا أستمر السهم في النزول لزيادة الكمية سمحولي أحب أشل كميات أضافية لسهم إعمار تحت 29 درهم إذا أمكن غداً.
وأنا طبعاً من ملاك السهم ولا أعتقد أن ينزل تحت ال 29 درهم بسهولة بس الأستثمار في إعمار ناجح جداً بأذن الله من معي يريد يزيد الكمية تحت ال 29 درهم غداً لاسمح الله لو نزل السهم ؟
يرجى عدم رفع المواضيع القديمة وخاصة الي تعور القلب.
صراحة طلع الاستثمار باعمار استثمار متين وان بعد بزيد الكمية على 29 بس موب درهم بل 29فلس وبكبر محفضتي من هذا السهم تراها فرصة استثمارية لا تعوض وانا اعمار اعمار انا بحبك يا عبار وتكفي الصورة اللي حاطينها فوق شكلها بتتحول بيوت للاشباح هووووووووووووووووووووهووووووووووووو
ههههههههههههههههههههاااااااااااااااااااااي
تراني اسولف بس
حبيت اغير النظرة السلبية بالعودة الى ايام الخير ……………. حاليا 10% من هذيك الاسعار هو اكثر من احلام اكثر التفائلين ان وجدو …. 29-30 درهم …………….سبحان مغير الاحوال…. وحده لا يتغير
وصباحكم فل انشاءالله
المراغي مشاء الله كم عندك من لفلوس انته
اشوفك كله تشتري ما قد ريتك في يوم واحد تبيع
لا يكون عندك كنز هاه وانا مادري
هذي فلوس تعويضات الأسمر
دعابه لا تحط في خاطرك 😛
هلا أخوي صفصوف عفا عليك أنا مايشيل في خاطره أبداً من الناس الطيبين
ولا تغتر فيني تري أنا زيكم أبيع وأشتري وأعتبر نفسي من صغار المستثمرين أو أعلي شوي
وأخوك باع أشياء وشري أشياء خلال أيام الماضية مستحيل أشتري علي طول إلا إذا عندي الكيس السحري اللي ماتخلص الفوس منة ، ويصراحة أكثر بعت جزء من إعمار حدود 29.50 من قبل كم يوم “جزء مو وايد” واشياء أخري بعد أبيع وأشتري يعني زيكم ياشباب مضارب ومرة تصيب ومرة تخيب بس شوي صبور لما ينزل سهم و يطب في شبدي بسهر غالي زي العربية للأنشاءات اليوم قلت لها باباي بسعر 6.45 وكانت غاثتني وشاريها تحت ال 6 دراهم تقريباً من كم أسبوع .
بس أمس دخلت أول مرة في دبي للأستثمار من يوم سمحوا لنا بتداول سهمها وكأن وجهي علي السهم خير أشوفه اليوم ماشاء الله أرتفع رفعة حلوة وتقول أحساس أنه كان رخيص ب 14وشوي أول أمس.
وتبريد وأملاك أخوك يبيع ويشتري زيكم تقريباُ ،،، بس الأساس والسهم اللي ماحب أضارب فيه كثير من فترة بصراحة إعمار أحب هالسهم مادري ليش بس أحيانا يطير طيرة وخليك تبيع علي وعسي تقدر تشلة بسعر أقل وأنا أتمني أن أقدر أشلة بكرة بسعر 29 درهم أو أقل شوي ، مع أني كنت أضارب فيه بأحساس من العام وبداية السنة وكنت أكثر المرات متوفق بس خلال ا لشهوين الماضيين إعمار أبتعدت عن المضاربة فيه إلا بكمية بسيطة السهم مايعطيك مجال للمضاربة العمولة والفرق في السعر أحيانا قليل وما يسوي مغامرة إلا بكميات كبيرة ويا خوفي إذا لعبت بكل أسهم إعمار اللي عندي ماقدر أنام إذا أبيعهم كلهم لازم أرجهم كلهم خلال نفس اليوم أو يوم ثاني فقلت في بالي ريح بالك ولا تبيع إعمار إلا لما تحس يمكن ينزل عن سعر بيعتك وبجزء بسيط بعد.
ومشكورين علي المداخلات وأحس أني كسبت أصدقاء أكثار من هذا المنتدي اللي بصراحة تعلمت منه الكثير وإن شاء الله قدرت أفيد أحد بمشاركاتي المتواضعة.