السلام عليكم ورحمــة الله وبركـــاته
قبل قليل كنت في موقع وزارة التربية والتعليم أبحث عما هو جديد في هذه الوزارة بخصوص الوظيفة وغيري كثيرون من الشباب العاطلين عن العمل يقومون بالأمر نفسه كل صباح، كإجراء روتيني لكسر حاجز البطالة الذي يحول بيننا وبين أن نعيش كبقية أفراد المجتمع، فمعظم هؤلاء العاطلين قد تجاوزوا سن الـ 28 عاماً وهم ما زالوا يعيشون على المصروف الذي يُقدم لهم كل أول شهر ولا يتجاوز في أغلبه 1000 درهم. المهم بعد دخولي الموقع وإذا بي أتفاجأ من طلب وزارة التعليم معلمين من المملكة الأردنية وُضِع على شكل إعلان خارجي موضح في الصورة أدناه ومع الرابط في آخر الموضوع. السؤال المطروح لماذا يُستقدم معلمين في حين أن كثيرين من أبناء الوطن يقبعون في بيوتهم يتمنون هذه الوظائف ويبحثون عنها ؟ إلى متى والشهادة التي حصلوا عليها قابعة على الجدران تنتظر أن يُزال عنها غُبار السنين ؟ إن كانت الشهادة الجامعية التي نحصل عليها لا فائدة مرجوةً منها فلماذا لا تُغلق جامعة الإمارات العربية المتحدة حتى لا نُعطي أملاً زائفاً للأجيال القادمة بأن هناك وظائف في إنتظارهم ؟ 31 ألف عاطل عن العمل من مواطني دولة الإمارات ما مصيرهم ؟ وما ذنب الأجيال القادمة ليجدوا أنفسهم ضمن القائمة السوداء ( البطالة ) التي نسمع من حين لآخر بحلول لمعالجتها ولا نراها ؟
.
يقال ما يحتاجه البيت يحرم على الجامع
بصراحة انا دخلت على موقع الوزارة وشاهدت الاعلان قبل يومين وقد استفزني هذا الاعلان علما باني لست من مواطني دول الامارات فكيف بكم انتم !؟ كان الله في عونكم
الواحد ياما يشوف في حياته
الحقيقة انا عراقي مقيم في الامارات لكني اتفق معكم فهذا الامر مستفز جدا وارى ان تكتبي موضوع جديد تطلبي فيه من كل مواطن عاطل عن العمل او يبحث عن عمل ان يدخل على موقع الوزارة وان يستنكر منهم هذا الامر حتى تصلهم سيل جارف من رسائل الاستنكار التي قد يجد من يهتم بها ويحاول ان يصلح الامر عل وعسى ان ينفع هذا الامر ان كان هناك حياة لمن تنادي كما يقال
وارجو المعذرة على الاطالة
اخوكم
آراس البرزنجي
صدقت يا خوي
نحن ما وصلنا المليون نسمة للأسف الشديد !!
يقولك في إحصائية 2008 عدد المواطنين والمواطنات وصلوا 910 ألف نسمة !!
والوافدين واللي تشمل (الدول العربية والاجنبية) تتراوحهم أعدادهم فوق الـ 3 مليون نسمة !!
والله قهر ، عنبوا فكرتوا بالـ 3 مليون ونسيتوا عيال البلاد ، ترى والله ولد البلاد هو اللي راح يرفع اسم ديرته وعنده أفكار وغيره على بلاده ، بتقولون ولد البلاد مب كفو ، ياخي شوفوا غيره وغيره ظهروا إبداعاتهم اللي اندست ويمكن تطير منهم بسببكم ، في ناس قدها وقدود ويخافون ربهم وعندهم ضمير تجاه شغلهم ووطنهم ، صدقوني يإخواني واخواتي وأتمنى ما إيي هاليوم اللي الأجنبي يتحكم فينا في كل شيء ، لأنه هالشيء حصل في إمارة من إمارات الدولة (من دون ذكر اسمها) واظن الغالبية تعرفها والحينه يحاولون يعدلون من أوضاعهم ، بعد شو ، بعد لما شردتوا ولد البلاد من بيته ووطنه بسبب إنسان لا إحساس ولا ضمير ولا دين ، يدخل الدولة وينهب من خيراتها ونحن يالسين نشوف وساكتين ، حرام عليكم يا مسؤولين ، الله لا يبارك في النعمة اللي توصل من غير تعب وعرق ومكدة وضمير.
الجرح كبير وينزف لكن لمن نشتكي ، ما أقول غير حسبي الله ونعم الوكيل
بيده حل هالأمور ، لا فلان ولا علان ، عندنا رب إذا دعيناه حق الدعوة وأطعناه استجاب لنا
والبركة في شيوخنا الكرام ، الله يطول بأعمارهم ويجعلهم ذخر لنا ، من لنا بعد رب العالمين نشتكي له
أتمنى توصل رسالة كل مظلوم وكل مواطن عانا مثل هالأمور وغيرها لهم.
والسموحة ع الإطالة
القلب فيه هموم كثييييرة وما أروم أسكت عن الحق ونحن بيدنا الحل وتاركينه
الله يسامحكم يا مسؤولين (البعض وليس الكل) (بس الأغلبية منهم) ، يامن شغلتكم المناصب والجاه والمال ونسيتوا الشعب والوطن.
والله شي يحز في النفس وفوق هذا يقهرني يلي يعرضون وظايف كاشير في كارفور و في الجمعيات على المواطنين يا جماعة هذي وظايف دنيا والله عيب تنعرض على مواطنين بلد ما يتجاوز عدد سكانه الاصليين مليون نسمه المفروض هالواظايف ما تنعرض علينا المواطنين الا عقب ما يصير عددنا 15 مليون نسمه هذيك الساعه ممكن احد يفكر يقبلها
سـآعـآت اقول ليش ادرس ؟؟ ودري اني بكرف كرف حميييير عشـآن الاقي شغله o.O مافي يالجيش يالشرطه ونـآ مغلؤؤب على امري مـآقدر ادخل الأثنين ( ديس بيرسن وده يصيح ~.~ ) مافي اعزائي غير ان كل واحد يسويله قروب ويتيلسون صوب الممزر وكل واحد ييب جيتـآره والطبل والعؤؤؤد والآت الأخرى ويدقه جلسة طرب هو مع باقي الشباب اللي موملاقين شغله و تيبون لافته وتكتبون بطـآليه ^_^ لين مـآحد يشؤؤفكم من الكبـآريه ( ههه عـآد انسوولكم سـآلفه زين P: ) يشفقون على حالنا جيه شوي ويشوفون ان نحن امشوهين سمعة اهل البلد حزتها !!! ….. يمكن تتوظفون بعد هههههههه
و عن البنـآت ,, مادري كيف , يعني تحصلؤؤن دوام اف مخبز ههههههههههه محل بـآسكن روبنز خخ زين ! ماله داعي شي كرف شراتنا نحن الشباب ^^ انتو تبون امور بسيطه والباقي عالزوج الصالح هع ! بس سوالف كنتاكي و ماك لول موب شي الصراحه ماتخيل اقول حق وحده اتداوم ف ماك ” هـآتيلي اسبايسي مـآك دِيـآي ههههه ” او إذا تـأخر الطلب ” ماصار سندويش ×_× طالب غووزي !! ههههههههه حرـآم مـآترقد على ريسي !!” يعني جيه والله هاللي انا اشوفه ^_^ و إذا اقتراحي موب عايبنكم تقدرون تنضمون للفرقه وتسوون جلسة طرب على كيفكم لول اول اغنية اكيد جمكييييي هههههه >< قلبي توقفَ عن الخفقان من الضحك لول ! ><
والسموحه والله كان ودي اتناقش اكثر بس لازم اذاكر ><
ليش مستغرب يا خوي ؟ ترى كل المقابلات إلي سويناها في أماكن واايده إلي يسوون لنا المقابلات وافدين، ويقعدون يطنزون علينا في المقابلة وأنواع الإحباط خلها على ربك بس.
.