إخواني ترى آنا لا تاجره ولا لي في الأرقام والسالفه كالآتي:-
عندي رفيجتي في الدوام وأصلها من إحدى دول مجلس التعاون، من أكثر من سنه سلفتها 20 ألف لمساعدتها في موظوع عائلي…..المهم من هذاك اليوم وللحين ردت لي فقط 8 آلاف درهم!!!
وقبل إسبوعين فنشوها من عندنا في الدوام، وقررت ترجع بلادها، ولما شفت ورقة براءة الذمه مالتها عندنا في القسم رفضت اوقعها لين تدفع الي عليها، قالت ما عندي كاش بس بعطيج سيارتي لأني مسافره وما بحتاجها وتصديرها وجماركها ما تسوى قيمتها!!
سألت عن السياره وهي هوندا موديل 93 قالولي ما تسوى إلا 5 آلاف!!! قلت يالله شي من البلا ولا كله وأظمن 5 آلاف بإيدي أحسن من ولا درهم.
رحنا المرور عشان تتنازل عن السياره لإسمي فطلبوا زوجها لأن السياره بإسم زوجها، إنتظرنا الزوج كم يوم لين فظى وجا معانا، لكن الظابط ما وافق عالتنازل لأن الرقم ماشي تنازل عليه!! أما السياره عادي!! رفيجتي قالتله الرقم عندنا من زمان وليش الرقم ماشي تنازل عليه؟! قالها لأنه شوي مرتب ويمكن إنتي أصلا بايعه الرقم مش السياره!!! فهمته السالفه وقالتله ساعدنا مارضى!!قالت له ما أبي الرقم قالها رجعيه للمرور وهم بيتصرفون فيه!! ولما إنتبهنا للرقم طلع على هالشكل 14414 أزرق!!
الحين رفيجتي قالت خذي السياره بالرقم لأنج ما قصرتي معانا قبل وإبريني الذمه بس دبري التنازل!!
آسفه صدعت راسكم بس هل يسوى الرقم مع السياره 12 ألف درهم؟ أو 7 آلاف درهم للرقم لأن السياره قالولي ب5 آلاف؟!
وهل ممكن مساعدة أي منكم إخواني في التنازل؟!
شكرا لكم مقدماً
اختي بسيطه سيري معاها لاقرب كاتب عدل وخليها توكلك في السيارة والرقم ويكون التوكيل باسمك وانتي بعدها تكونين متصرفه في الرقم وفي السيارة وتقدرين تحولين السيارة ورقمها باسمك بهذا التوكيل وتبيعين على كيفك وهذا بيكون قانوني لابواسطه ولاشي والله يوفقك…….
شكلها بيزاتي بتروح علي والرقم بيروح ومحد مسويلي سالفه هني ومحد يبي يساعدني!!!!!
إخواني الله يرضى عليكم سااااااااااااااعدوني قبل لا تعرف الحرمه بجيمة الرقم وتهون عن البيعه!!!!
والله هذا أكثر شي كارهتنه بالموظوع، إني موقفه موظوع تسليم مستحقات الحرمه!!!! اليوم بسير بوقع لها براءة الذمه وعسى ربي يفرجها وأحصل حد يساعدني بالتنازل. تصدق خوفي الوحيد إنها ترد تطنشني مثل قبل لما كنت أتصل فيها وأحاجيها عن الفلوس وتتهرب مني، والمره هاي بترد بلادها يعني بعد ما بلاقيها موووول!!!!
البركه بالناس الطيبه وربي يسهل لي الأمور وأخلص التنازل عخير
شكرا لتواصلك
انتي وقعي براءة ذمة الحرمه الحين
يعني مسكتيها بيدها لي تعورها ههههه مادام عطتج الرقم والسيارة من طيب خاطر خليج كووول وأن شاء الله ربي يوفقج
بختصار
أي نقيب بيرتبلج التنازل
لا تروحين عند ملازم ولا ملازم أول
عند نقيب لنه عنده صلاحيه فسستم لتنازل عن الارقام الخماسيه المرتبه
ويذا ماقدرتي تعالي مرور العين في نقيب مخاوي شما طيب
والشباب فلمنتدى مابيقصرون وياج .