شحالكم كلن بحاله
عساكم الا بخير وسهاله
اليوم اختكم يالسه تلف في المنتدى ويتها فكره حلوه
من زمان هيه ياتني هاي الفكره بس ما حصلت لي مناسبه اكتبها
اغلبنا في ها المنتدى من زمان وبعضنا يديد هنيه
ما شا ءالله الاعضاء والادارة كلهم على قلب واحد والحمد الله وها شي في حد ذاته مكسب للجميع
ادخل في الموضوع
قلت يا بنت شو رايج تنزلين موضوع وتشوفين الاعضاء شو عايبنهم في المنتدى وشو مب عايبنهم وشو هيه الملاحظات الي يشوفونها ويتمنون تتغير او تنشل
أو حتى اشياء يتمنون تكون موجوده في المنتدى بس ما حصلوها
نزلته الحين لانه في الوقت الحالي تستوي بعض التغيرات والتعديلات في المنتدى ويمكن فكره من افكارنا يشوفونها مفيده ويطبقونها
يعني بالمختصر نعتبر ها الموضوع بمثابة اقتراحاتنا وملاحظاتنا بشكل عام يعني يخص المنتدى وبعد ما نكتب الردود نعزم اعضاء الادارة يدخلون ويقرون اقتراحاتنا وملاحظتنا وهم ما بيقصرون ويانا
وبهاي الطريقة بنساهم بجزء بسيط وياهم بتقديم فكره مفيده للمنتدى وتطوير اكثر واكثر
انا ببدأ
المنتدى بوجه عام حلو وما فيه شي
اتمنى يكون عدنا مكتبة خاصه فينا مكتبة الكترونية
دورات نستفيد منها
فعاليات ومسابقات تحفز الاعضاء
مثل
– مسابقة القصه القصيرة بقلم الاعضاء
– مسابقة التصوير
– مسابقة حفظ القرآن
موضوع مميز من حيث المضمون
وغيرها
يا الله الحين دوركم انتوا
واتمنى الجميع ياخذ الموضوع بجدية مب موضوع سوالف ترى ها اقل شي نقدمه للمنتدى الي نكون فيه اغلب اوقاتنا
واتمنى يبقى الموضوع في العام افضل من قسم الشكاوي والاقتراحات كون اغلب الاعضاء يكونون متواجدين هنيه
والسموحة منكم على التطويل
والسلام ختام
أختكم
بنت الأمارات
اقتراحات جميلة ***
اشكرج اختي على تشجيع الاعضاء على الاقتراحات
ما أعرف ليش حبيت موضووع الأقتراحات واااايده
المهم حبيت أقترح شي عله وعسا أيدوك مفيد في شهر رمضان المبارك
حبيت أن يكون هناك موضوع مثبت بجدووول
يوزعووون أجزاء القرآن الكريم على عدد أيام شهر رمضان الفضيل ودام أغلبنا كبار فأتمني يتم توزيعه على أنه يتم ختم القرآن مرتين في شهر رمضان
يعني (يا جزء في اليوم وبيكون ختمه في الشهر – أو – جزئين كل يوم وبتكون ختمتين في الشهر)
والمطلووووب كل يوم تكتبووون نقراء اليوم من السور من أيه رقم كذا الى سوره من أيه رقم كذا مع وضع مقطع صوتي من تلاوه عدد من المشايخ
يعني جدول القارئه اليوميه مع أصوات المشايخ
وهذا أقتراحي ان شاء الله تنفذوووون هالموضوووع
أتمني السماااح للجميع بتلووون الموضووووع مع وضع أيقوووونات
(^_____________^)
ان شاءالله الادارة تشوف اقتراحاتنا وملاحظاتنا وما يقصرون ويانا بشي