شحالكم كلن بحاله
عساكم الا بخير وسهاله
اليوم اختكم يالسه تلف في المنتدى ويتها فكره حلوه
من زمان هيه ياتني هاي الفكره بس ما حصلت لي مناسبه اكتبها
اغلبنا في ها المنتدى من زمان وبعضنا يديد هنيه
ما شا ءالله الاعضاء والادارة كلهم على قلب واحد والحمد الله وها شي في حد ذاته مكسب للجميع
ادخل في الموضوع
قلت يا بنت شو رايج تنزلين موضوع وتشوفين الاعضاء شو عايبنهم في المنتدى وشو مب عايبنهم وشو هيه الملاحظات الي يشوفونها ويتمنون تتغير او تنشل
أو حتى اشياء يتمنون تكون موجوده في المنتدى بس ما حصلوها
نزلته الحين لانه في الوقت الحالي تستوي بعض التغيرات والتعديلات في المنتدى ويمكن فكره من افكارنا يشوفونها مفيده ويطبقونها
يعني بالمختصر نعتبر ها الموضوع بمثابة اقتراحاتنا وملاحظاتنا بشكل عام يعني يخص المنتدى وبعد ما نكتب الردود نعزم اعضاء الادارة يدخلون ويقرون اقتراحاتنا وملاحظتنا وهم ما بيقصرون ويانا
وبهاي الطريقة بنساهم بجزء بسيط وياهم بتقديم فكره مفيده للمنتدى وتطوير اكثر واكثر
انا ببدأ
المنتدى بوجه عام حلو وما فيه شي
اتمنى يكون عدنا مكتبة خاصه فينا مكتبة الكترونية
دورات نستفيد منها
فعاليات ومسابقات تحفز الاعضاء
مثل
– مسابقة القصه القصيرة بقلم الاعضاء
– مسابقة التصوير
– مسابقة حفظ القرآن
موضوع مميز من حيث المضمون
وغيرها
يا الله الحين دوركم انتوا
واتمنى الجميع ياخذ الموضوع بجدية مب موضوع سوالف ترى ها اقل شي نقدمه للمنتدى الي نكون فيه اغلب اوقاتنا
واتمنى يبقى الموضوع في العام افضل من قسم الشكاوي والاقتراحات كون اغلب الاعضاء يكونون متواجدين هنيه
والسموحة منكم على التطويل
والسلام ختام
أختكم
بنت الأمارات
أنـآ أؤيد هذهِ الفكرة
يكون هنآك قسم خآص لمجلة المنتدى و لآ أحد يستطيع الدخول فيه غير اللجنة آلمنظمة للمجلة
و يكون الاصدآر شهرياً
بصراحة الأعضاء ما قصروا .. حطوا كل الإقتراحات الطيبة والمفيدة..
بس انا أؤيد هالإقتراح وبشدة .. وأرفع شعار نعم لزيادة الإبتسامات ..
وشكرا ع الموضوع خيتو ..
باذن واحد احد رمضان راح يكون المنتدى غيييييييير
الله يبلغنا واياكم واهلنا جميعا شهر رمضان
واقترح ان يكون في شهر رمضان كل 3 ايام لقاء من احد الاعضاء والباقين يسالونه
…………..
يتني فكره صح مب يديدة بس احسها بتكون حلوه وشامله
شو رايكم بفكرة مجلة المنتدى تصدر شهريا او اسبوعيا
يكون فيها اخر الاخبار ويا رابط الموضوع
المناسبات السعيدة او الحزينة للاعضاء او الدولة
مسابقات
مواضيع مفيده
مواضيع مميزه في المنتدى
موضوع للنقاش
ويكون قسم يديده يفتحونه باسم مجلة المنتدى العدد الاول وينحط كل الي ذكرناه في ها الموضوع ويكون شخص واحد مسؤول عن القسم ينزل المجلة ونحنا نقدر نرد عليه من خلال الموضوع الي نزله
وحتى يقدرون ادارة المنتدى بارسال رابط المجلة او نشره عن المجلة على ايميلات الاعضاء او الرسايل الخاصه
احس بتكون فكره حلوه شو رايكم انتوا
(^________________^)
(^___________^)
نتريا ملاحظات واراء يديدة
صدقوني ترى ردودكم مهتمين فيها الادارة يعني قولوا كل شي تبغونه وان شاء الله ما بيقصرون ويانا