السلام عليكم ورحمة الله وبركاته
الحقيقة وصلنا الى وضع لا يتحمله ولا يتقبله العقل اطلاقا
مهما تحدثنا عن تأثير الأزمة وشح السيولة وتباطؤ الحركة الاقتصادية وتراجع أرباح الشركات حتى لو بلغت مرحلة تحقيق الخسائر لعدة أشهر ……
مهما حدث ومهما كانت الصورة سوداوية
لا يستطيع العقل تقبل الأسعار التي وصلت اليها معظم الأسهم وفي مقدمتهم شركة اعمار العقارية
هناك شركات في الأسواق العالمية تحقق خسائر ولعدة شهور وحتى تدفقاتها النقدية لا تكون في حاله جيده ولكنها تبقى متماسكه ولا تشهد أسعار أسهمها هذا الانهيار الذي نشهده في أسعار شركاتنا
الحقيقة لا يوجد سبب واحد مقنع حتى الأن لانهيار أسعار الأسهم وبهذه الطريقة سوى سبب واحد وهو ان الشركات على وشك الاعلان عن افلاسها
فهل بلغنا تلك المرحلة ؟؟
وهل توجد دلائل ملموسة على ذلك
مقارنة بسيطه ومثال على قمة المهزلة التي تحدث في أسواقنا ….
اليوم في الأسواق الأميركيه الأخبار المتصدرة تقول ان طلبات البطالة قفزت فوق التوقعات الاسبوع الماضي
ونفقات المستهلكين تنخفض للشهر الخامس على التوالي مما يعمق الركود ….
طبعا على هذه الأخبار من المفترض ان تنخسف أسواقهم ولكن الداو يغلق على ارتفاع 50 نقطه
وفي أسواقنا اليوم صباحا …..
ايقاف التداول على سهم اعمار وخبر الغاء طلب اعمار شراء أسهمها والمعروف سلفا للجميع … وبعد الافراج عنه ورش بضعة ملايين كانت كفيله بخسارة المؤشر 4% علاوة على خسائره لليوم الخامس على التوالي ….
والسبب كما تناولته وسائل الاعلام الغاء طلب اعمار …
لا الصراحه خبر ومصيبة كبرى وكان يجب أن يخسر المؤشر 10% على أقل تقدير
الخلاصة :
أسعار الأسهم الحالية تعتبر أسعار الافلاس
اعمار يتداول عند 60 سنت وقيمة الشركة السوقية 13 مليار درهم
وفي الأسواق الأميركية الشركات التي تتداول عند هذه الأسعار تكون عادة شركات ال Pink Sheet أو Over the Counter ….. يعني شركات الصف الرابع
وتلك تكون شركات ربما كل ما تملكه هو مكتب صغير مستأجر وعشرة موظفين
لا حول ولا قوة الا بالله
علية الصلاة والسلام
والله بيعوضنا ان شاء الله ……………. سبحان الله مافي اي اشارة تفائل لا من سوق مالي ولا عقاري ولا غيرة بس ماعدنا الا الصبر
وكل الي عندة كاش يحطة في التجوري ابركلة لا استثمار ولا غيرة (هذي الجملة وايد تكررت بس عندي راي ثاني في تجميد الفلوس اقصد سالفة التجوري……………….
من اسبوع افكر شو الاستثمار الناجح في هاي الاوضاع لقيت ياااا احط الراس المال الي عندي في التجوري أو احطم ضمان في شركة ( اقصد ضمان في الجنسية والاقامة ) وابدا اشتغل وفي اي حالة طارئ اقدر اسحب الضمان واستفيد منة ولا اني احطة في التجوري بليا فايدة واتمنى الي عندة خبرة يناقش في هالموضوع
واشكرك صاحب الموضوع كلامك منطقي ونستسمح منك لاني دخلت في موضوع ثاني (بس انا ماعرف طريقة فتح موضوع جديد وماظن مشاركاتي تسمح افتح موضوع ) ارد واستسمح منك
تحياتي
اختكم اصغر مستثمرة
و الله ما نقول الا اللهم أجرنا في مصيبتنا و أخلف لنا خيرا منها
المشكله انه حجم و فاتوره الازمة مجهوله
افتحوا الجرائد و شوفوا اعلانات البنوك
تحولت من عرض خدمات لطلبات ودائع و نسب ارباح عالية
شخصيا لا امانع ان اصبر سنة على سوق الاسهم مقابل دعم حقيقي للاقتصاد .. لانه اذا مشي صح السوق راح يعوض … بس اذا لا سمح الله ما مشي وقتها الكارثه اللي ما راح ينجوا منها احد
في جريده اليوم لفت نظري المقال .. و كاتبين انه الهوامير مبارح باعوا بشكل مجنون قبل وصول حساباتهم عند الوسطاء للمارجن كول … هي المفروض هم صناع السوق و المتحكمين فيه شئنا ام ابينا …
و على فكره … لا تفتكروا الاسواق الخارجيه افضل حالا … صحيح تذبذبها اعلى بس مو كل الاسهم عوضت … كان عندي سهم ب 90 $ و حاليا واصل 38 دولار … يعني خساره قرب 55 %
الله يعدي ال 2009 على خير
و كل عام و انتوا بخير
اللهم صلي وسلم وبارك على سيدنا وحبيبنا محمد بن عبدالله … صلوات الله عليه وعلى آله وصحبه وسلم …
كان يا ما كان …. رجل كل الناس كانت تتحدث عنه وتحسده كيف وصل هذا الرجل الى هذا المكان المرموق …علما بأنه كن موظف يا دوووب صغيروني اعتقد رئيس قسم او شوي زيادة .. ويشتغل في المصرف المركزي …
وبعدييييين يوم صار كبير قام يتكلم باسمه واسم غيره لين ما نطق وقال أن (( ديون دبي 80 مليار دولار والإمارة قادرة على سدادها….!!!! ))
الحين … شو رايكم .. نصدق هذا الكلام اللي قاله و الا لالالا ؟؟
كم قال عن أعمار فيها وهي وبلاها وفيها ونحن وهما ولا حول ولا قوة الا بالله … ونحن
(( نهز الراس )).. يالله يمكن هذي الازمة العالمية فيها خير حق الناس اللي يحبون يتكلمون عن حرية الرأي والديمقاطية العربية ….
سبحان الله هذي الازمة .. وقعت في قت عمنا أوباما
هو يمقراطي … ونحن ننتظر هذي الديمقراطية .. وخلونا نشوف … بس تعالوا .. انتوا مش ملاحظين يوم راحت بيزاتنا في الاسواق صار عندنا حرية في الرأي…!
يعني لازم ندفع عشان نقول اللي في خاطرنااا .. الحمدلله على كل حال ان عقولنا ما زالت شغالة ..
وصدقوني …. بشوفون شي ما شفتوووووه من هاي الازمة …. وسمعوو كلامي حفظووو فلوسكم خصوصا الكااااااااش راح يلعب لعبته في الاسواق .
وعن قريب راح نقول باي باي حق اللي كان يتكلم ويقول … سوينا .. وسوينا … وفي النهاية وين بيزات المساكين اللي مثلنا …. الحمدلله اني من أصل ( سماك ) وأفتخر … الله يرحم أبويه كانوا حاطينه في خلاصة القيد سماك …
والاولييين يقولووون اذا بغيييت تخاوي …. خاووووا
أثنينه ….. يا شيخ …. يا بحر … !