السلام عليكم ورحمة الله وبركاته
الاخوه الاعضاء والمشرفين اتمنى من الله العلي القدير ومن الاداره الموقره عدم اغلاق الموضوع ….
بالامس تم اغلاق موضوع أدنوك بسبب احد الاشخاص دخل وطرح مواضيع ماكان داعي يطرحها الله يهديه وجزاه الله الف خير وانغلق الموضوع ؟ ونحن شوه ذنبنا ينغلق على كل حال ندخل في الموضوع
واتمنى من الشباب المعاونه …….
اول نبدا بالبونص السنوي لمجموعة شركات ادنوك مواعدين الشركه نزول البونص بتاريخ عشره الشهر والحمد الله …ونقول مبروك للجميع
ثثاني شي يعلم الجميع ان ادنوك تدرس حاليا زيادة الرواتب …..
انا شخصيا شفت اوراق الدراسه وموجه الي ادنوك الرئيسيه بطلب من يوسف بن عمير 
ما اعرف شوه فيها وكم نسبتها ….. في زياده ولاكن لا احد يجزم الا بصدور الاوامر ونحن في الانتظار ….
نتمنى من الاخوه يزودون بتفاصيل الزياده …… او خبر رسمي من تحت الطاوله والاخبار طيبه بشكل عام
يالمشرفين الشيمه 
: تراى كل مافتحنا موضوع ادنوك ينغلق
والسلام عليكم ورحمة الله وبركاته
بمعنى تاريخ 1/6/2008 من هذا التاريخ اي زياده بعد هذا التاريخ يطبق القرار
صح يتنا زياده 2007 ولاكن هذا القرار ماكان موجود عسبج جيه انسى 2007
ان شاء الله الفكره وصلت ياأخوان
ان شاء الله اخوي….كل شى جايز
انا اليوم سرحت الاداره وكلمتهم بخصوص هذا الكتاب …. بعد الدراسه ماينفع ابدا
مسساهم اول الكتاب يتكلم عن الترقيت و مدة الترفيع من وظيفه الي وظيفه …. وعن تعديل اوضاع بعض الشباب الي في نفس الوظيفه ورواتبهم أقل من زملائهم ….حد أقصى 15%
هذا القرار مطبق من تاريخ 1/6/2008 شوه له خص 2007 ؟
يعني اي زياده الحين مابنحصل الا بعد سنتين وانسى ياحبيبي 2007
على العموم الي الان جاري التحميل ……
يا جماعة لا تتعبون نفسكم…..
التعميم اللي نزل اخر شي واضح, يقول اي زيادة او تعديل للرواتب لازم تكون بعد سنتين من اخر زيادة, و اخر زيادة كانت في شهر سبعة 2007 , يعني لا ترفعون الموضوع الا شهر سبعة 2009 .
هل 40% من الاساسي و70 من الجنرل صحيح!!
]
