طبعا كل عام وانتم بخير بمناسبة قرب حلول عيد الفطر المبارك اعاده الله على الجميع بالصحه والإيمان
تقبل الله صيامنا وصلاتنا وقيامنا وعباداتنا ان شاء الله
اللهم آمين
…
موضوعي يتحدث عن السياحة الداخلية في دولة الإمارات العربية المتحدة
كنت ابا اسوي مفاجأه لزوجتي وبنتي واحجز شاليه في دبي او الفجيره لمدة 4 او 5 ايام
فقلت خلني اسوي دراسه تقريبيه للميزانيه
طبعا الفندق بيكون 5 نجوم والغدا والعشا بيكون بالفندق
طلعت الحسبة تقريبا ما بين 16 الى 20 الف درهم
وعقب قلت خلني احسبها بطريقة ثانيه
بنسافر بطياره وبنسير بانكوك وبنحجز فندق على البحر حلو وبنرد
يا ترى كم بيكلف ؟
تقريبا الحسبة بتكون مع التذاكر والسكن والتسوق والحواطه والاكل والشرب وكل شي حول ال25 الف درهم ولنفس المدة ويمكن اطول شوي
عيل وين السياحة الداخلية يا ترى ؟
سؤال وانتظر اجابته وآراءكم واقتراحاتكم
اخوكم
ابو شـــــوق
سير الرياض واقعد 5 ايام
اسواق وملاهي للعيال نزل عيالك الدخول يمكن 20 درهم وخلهم يلعبون من الصبح لين الليل كل الالعاب ببلاش
والمطاعم على كيف كيفك
ومولات حلوة
والسكن
شقق مفروشة حلوة
على 350 درهم
——————————-
السياحة داخل البلاد واايد غالية
يوم عندك عايلة لازم تسكن في مكان نظيف 4 نحوم اوو خمس نجوم
اقل غرفة ب 1800 بدون ضريبة
اذا عندك اكثر من 3 اطفال يبالك اكثر من غرفتين
ولا تبا الشور
عط ام العيال كم الف
ولا تتدفعهن حق الفنادق
واظهرو رحلة من الصبح لين المسا صوب حتا والبداير
وردو البيت سالمين غانمين
في عمان المواطن له خصم على الفنادق
روتانا وفنادق راس العقة، عن الشقق الفندقية ما أدري
بس من كم اسبوع كنت هناك كانت شي بقعة تلوث عالشاطئ الرملي !!!
ممكن اسامي شقق في الفجيره وغيرها نقدر نطله منها تمشيه على البحر وغيرها
بليييييييييييييز