تم انشاء المراكز التجارية في الدولة للتسوق وشراء ارقى الماركات العالمية او ارتياد المطاعم والكوفي شوب او لتقضية الوقت والاستمتاع ولكن للأسف هناك بعض الشباب ممن يرتادون هذه المراكز التجارية للتحرش بالجنس الآخر عن طريق الترقيم او ارسال رسائل البلوتوث.
للأسف ذهبت مع بعض الشباب قبل كم من يوم لأحد المراكز وبدل ان نستمتع بالجو المحيط أخذوا يبحثون بالبلوتوث عن اسامي البنات للتحرش لهم ولهذا قررت اعطائهم درس.
اخذت تلفوناتي وغيرت البلوتوث مالي لأسامي بنات والشباب ما قصروا قاموا يطرشون لي رسائل بلوتوث فيها حب وغزل وارقامهم ورسائل ملاحظات فيها ارقامهم ومن هالسوالف ولما طلعنا من المول خبرتهم باللي صار وبالطبع ضحكنا وجيه
لهذا احب اقول لكل الشباب مرتادين المولات اذا احد منكم شيك على البلوتوث وحصل اسم بنت وطرش لها رساله واستقبلت الرساله فتوقع ان هالبنيه اللي استقبلت البلوتوث يكون واحد مب وحده.
احب اخسس بالشباب
شو رايكم نسوي حملة لمكافحة هالظاهره ؟
لا لا لا
انا بنت العاصمة
شو رايك ؟
هههههههههههههههه
الحملة طال عمرك بسيطه وما يبالها شي
غير البلوتوث مالك الى اي اسم بنوتي حلو
وتم راسل الريال
وخله يدفع حساب المطعم
آخر شي طرش له رقمك وقوله انك ريال وتبا تتعرف عليه
تخيل هالحركه تستوي ب10 شباب باليوم ….!
صدقني بيتوبون خلاص
والسالفة بتنتشر وهالظاهره بتختفي
خخخخخخخخخخخخخخ
السلام عليكم ورحمة الله وبركاته
والله المقاطه فكرة حلو وغلق البلوتوث اظن احسن
بس اظن لو كل واحد افكر لو اي من الشباب طرش هذا الرقم ولا الرساله لاخت ابيعه شو بيكون موقفه
يالاخوان اغلب الاخوات في المولات سايرات للتبضع لو كل واحد فكر بانه هاي البنت شرات اخته وهي بالفعل اخته بالاسلام والله انه بيسحي على ويه من هاي التصرفات
الله يحفظ خواتنا واخوانا من هاي الاساليب الدخيله للمجتمع المسلم
هذا رايي انا
يا ريال لو يت على بلوتوث….ارحم..على الاقل الواحد او الوحده يروم يتحكم فيه…
والله في شباب اي وقت ادخل المول اشوفهم.. لو كان صبح او ليل (طول السنة) لازم يكونون قاعدين.. ما وراهم شي غير ترقيم وبحلقه وفر تعليقات على اي بنت تدخل المول..عنبوه ما عندهم اهل؟ ما وراهم شغل؟ من وين يكدون؟..صدق يوم قالوا “رزق الهبل عالميانين”
يعني لو في اليوم مرة تقعد بنقول ما عليه الريال طالع من الدوام ويبى يشرب له كوفي ويعدل مزاجه ويسولف ويا ربعه شوي وينسى التعب.. لكن توصل لدرجة انه يقعد ليل نهار…نصهم متزوجين واعمارهم فوق الـ 30 !! يعني اذا الله رزقك بخير..مش معناته اتكون بطالي وعالة على المجتمع..على الاقل اشغل نفسك بامور تفيدك وتفيد مجتمعك…طبعا اللوم على البنات بعد..يعني وحده طالعه (جانها رياحه عرس) عباتها مبطله وكل شي مكشوف اكيد الشباب ما بيخلونها في حالها…
السعوديين ماقصروا بالدور يطرشون ارقامهم
واحد من الشباب كان في النادي على المدرج يتابع المباراة واتعمد يحط اسمه فطامي والشباب في المدرج ما قصروا قاموا يطرشوله مسجات ويصددون يدورووووووون وين هالبنية