تم انشاء المراكز التجارية في الدولة للتسوق وشراء ارقى الماركات العالمية او ارتياد المطاعم والكوفي شوب او لتقضية الوقت والاستمتاع ولكن للأسف هناك بعض الشباب ممن يرتادون هذه المراكز التجارية للتحرش بالجنس الآخر عن طريق الترقيم او ارسال رسائل البلوتوث.
للأسف ذهبت مع بعض الشباب قبل كم من يوم لأحد المراكز وبدل ان نستمتع بالجو المحيط أخذوا يبحثون بالبلوتوث عن اسامي البنات للتحرش لهم ولهذا قررت اعطائهم درس.
اخذت تلفوناتي وغيرت البلوتوث مالي لأسامي بنات والشباب ما قصروا قاموا يطرشون لي رسائل بلوتوث فيها حب وغزل وارقامهم ورسائل ملاحظات فيها ارقامهم ومن هالسوالف ولما طلعنا من المول خبرتهم باللي صار وبالطبع ضحكنا وجيه
لهذا احب اقول لكل الشباب مرتادين المولات اذا احد منكم شيك على البلوتوث وحصل اسم بنت وطرش لها رساله واستقبلت الرساله فتوقع ان هالبنيه اللي استقبلت البلوتوث يكون واحد مب وحده.
احب اخسس بالشباب
شو رايكم نسوي حملة لمكافحة هالظاهره ؟
صح الغلط منا ليش نفتح البلوتوث ونستقبل
فكره حلوه أخوي دار زايد
( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان)
شبتسمي الحمله ؟؟
وبعدين مادري وشوله اصلا البنات يفتحون البلوتوث بالمولات !!
لو قلت الشباب بيكون افضل وعندنا وعندكم خير اخوي
مره في السينما حاط اسم بلوتوثي خاله شقرا هههههه
السعوديين ماقصروا بالدور يطرشون ارقامهم
من الاساس البنت ليش تفتح البلوتوث 24 ساعه برع يعني فالمولات والاسوااق اله اذا كانت نيتها (…..)*
هههه ضحكيتني والله انا ما اطري الشرطه …..
انته في يوم بس خذلك لفه بالصيني وشوف العجب اهناك وان ما لقيت خلك مداوم بين كل فتره
وفتره راح تلاقي تيلفونات فيها العجب ……