*قد علمتنا التجارب ان نتجنب عشـق النساء* بقلم// سلمتكـــم قلبــي..

بســم اللـــه الرحمـــن الرحيــــم

(المقدمه)

الكره لعبه مستديره يلعب بها الاطفال كيفما يحبون ربما تكون باليد او القدم على ارض يابسه او رطبه ولكن اذا كان اللعب بيد الكبار فهنا قد تتغير القوانين وتتبدل المفاهيم حتى رائحه الخيانه قد تفوح بين اللعبين ومع ذاك يظل السكوت يحكم المكان والاعبين ينصاعون لاحكامه
*
*
*
لكل قصه حب ورده وداخل كل ورده اشواك ..
اذاً………
لماذا نصرخ من ألمها ؟؟؟
*
*
*
نحن جميعاً نعرف الشجره وكيف تتكون فهي تماماً كحياتنا فالاعضان ليست جمىيعها تثمر*
*
*
(محطات سريـــــــــــعه)
*
*
*
*

7:00bm
كان يدور في الصاله الصغيره ويده شاده على شعره وصوته كان ينتفض من شدت الارتباك ويكلم صديقه بخوف وتوتر اول مره يحس فيهم :وليد الله يخليك ماسمعتو عنها أي شئ …سألتو عنها بكل مكان
وليد ألي كان يسوق سيارته بسرعه جنونيه واعصابه مشدوده بسبب طلال إلي كل شوي يدق ويسأل :اهداء يا طلال مو معقوله البنت تختفي بالهشكل انت متأكد انها ما سافرت
طلال يهز راسه بضعف:ما ادري يا وليد ما ادري بس كل اغراضها موجوده
وليد منقهر من طلال إلي قلب في دقيقه من شخصيه قويه لمهزوزه بسبب بنت:بس هذا ما يمنعها من السفر
طلال جلس على الكنبه ويده على راسه:يعني خلاص اختفت راحت (تنهد) ماراح اقدر اشوفها
وليد وقف السياره ونزل للمطار:لا تضعف ياخوي وان شاء الله بنلقاها انا نازل للمطار اسأل عنها الحين
#
#
#
مسك الدكتور إلي كان توه طالع من غرفة العمليات وشد على قميصه بقوه وهو يقول :البنت وش صار عليها انت قول أي شئ بس لا اسمع كلمت ماتت
الدكتور وهو يشيل الكماماه عن فمه وانفه:هي الحين تحت المراقبه بس الحادث كان قوي مره واكيد راح تتأثر
ترك الدكتور وجلس على ارض المستشفى البارده ويده على راسه:لا لا بنتي غاليتي مستحيل يارب يا كريم تشفيها ولا يكون عندها أي خلل او مرض خطير يارب
الدكتور يحني ظهره ويمسكه:لا تكون كذا بنتك تحتاجك لازم تكون قوي لو مو عشانها عشان اهلها إلي هناك خلك قوي وسلم امرك لله ولا تنسى الدعاء
#
#
#
كان يمشي بسرعه جنونه وهذا شئ طبيعي بالنسبه لشاب في بداية عمره وصوت الاغاني يهز السياره بشكل عجيب, قصر لصوت وهو يرد على بنت تقرب له من بعيد بس العلاقه التلفونيه إلي بينهم لها اكثر من سنه ونص تقريباً
تركي شغل مايك الجوال المثبت في السياره :مرحبا بالهصوت وراعيته
غيداء:تركي احرااااااااااج قول مرحبا وبس ما استاهل
تركي يوقف السياره على جنب ويتسند على الدركسون:اذا انتي ماتستاهلين مين يستاهل قطوة بيتنا
غيداء:هههههه
تركي:فدييييييييييييييةهالضحكه وراعيتها اخبارك واخبار سلمى
غيداء:انا مكلمتك عشان سلمى لو اقول لك ايش صار فيها اليوم والله بتموت ضحك
تركي:جـــد يلا قولي لا تحمسيني
(وجلست غيداء تتكلم عن سلمى وهي ماتعرف انها من كثر ماتتكلم عن اختها الصغيره بداء تركي يعجب فيها بشكل جنوني ويتمنى يشوفها لو من بعيد)
*
*
*
*
في المطار
وليد يمسك رجال كبير عمره 44 سنه ويوقفه
وليد وقلبه يدق بقوه:يبا
لف عليه الرجال وطالعه بملامح جامده:انت ؟
وليد وعيونه مغرقه بالدموع:ايه انا انت وينك سنين ماشفت انت يوم تتركني كان عمري 18 سنه والحين صرت رجال يبا انا تزوجت وصار عندي ولد يبا صار عندك حفيد اسمه…
قاطعه ابوه:لا تقول اسمه انا ماعندي حفيد او ولد اسمه وليد ولا تقعد تقول لي يبا ويبا انا مو ابوك انا ولدي مات بحادث سياره من زمااااان
وليد تذكر الحادث إلي صار له :الله يلعن كلام الناس إلي يهمك وخلاك تتخلى عني وعن اختي
مسك ابوه شنطته ولف عشان يمشي عنه بس وقفه وليد مره ثانيه وقال:على الاقل قول لي وين شذاء
رد عليه ببرود:شذاء ماتت
صرخ وليد:لا تقول ماتت انت قلت لي انها ما ماتت
لف بوجهه:لا تزيد وتعيد ابعد عن طريقي لا اوصل لك شهادة وفاتها
وليد عطاه ظهره ومشى مسافه مو بعيده وهو يقول في نفسه(اكره اكره اكره)
*
*
*

قد علمتنا التجارب أن نتجنب عشق النساء
بلوحة مفاتيح:؟؟؟؟؟
الروايه تتكون من ثلاث اجزاء
النوع:دراما رومانسيه جريئه”خياليه
#
#
#
#
#
بسم الله الرحمن الرحيم

(بعــــــــــــــد سنتـــــين)

احداث الروايه تدور في (الرياض) و(لبنان)و(الكويت)
(الغضب)و(الشفقه)و(الذكريات)
مالذي يجمع بين هذي المدن والصفات شجرت العائله الي تتكون من اختين عربيات سعوديات الجنسيه اراد القدر ان يجمعهما بشركاء حياه يختلفون عنهم قليلاٌ الاخت الكبرى تزوجت شاب لبناني والصغرى كويتي قد تستغربون من هذه النقطه ولكن هذا الشئ اساس ومحور روايتي …

لكل مسلسل نتابعه مقدمه يغنيها هاوي او فنان معروف وانا اخترت(اسئله)مقدمه لروايتي
@
@
@
دايم نظن انا تفهمنا الحياه
وكل يوم يزيد إلي نجهله
كيف نوصل لنهايه في طريق
دون مانعرف حقيقه اوله
*********
كم سؤال يروح ويجينا سؤال
ياترى منهو يجيب الاسئله
*********
يا بدايات تتكرر كل حين
والنهايه واحده عند الختام
عمرنا ضايع ومحنا عارفين
مر يوم او مر علينا الف عام
*********
وسنين إلي تجي عقب السنين
تايهه مابين شكوى اوملا
********
منتهانا والبدايه اسئله
والاجابه تتكلم من بعيد
كم تعذبنا من إلي نجهله
والحقيقه واضحه للي يريد
********
والطريق إلي جهلنا اوله
في ختامه نفهم ابيات القصيد
******************************

(الفصل الاول …..الجزء الاول)
@
@
@
@
مع اول صرخه تطلقها الطفله في أول يوم لها على وجه الارض يكتب لها كل شئ سيحدث في حياتها مع من ستعيش وماذا سيكون اسمها وفي أي سنه تتزوج وتنجب الاطفال وفي أي سنه ستموووت

((في الرياض))
عاصمة المملكه العربيه السعوديه يوجد عائله مرموقه يتحدث عنها المجتمع بالخير يعتقد الكل بأن حياتهم رائعه لا ينقصها شئ وهم متناسين ان القمر بالرغم من جماله يبقى له جانب مظلم ففي هذا البيت يعيش الجد والجده لوحدهم ويستقبلون بناتهم واحفادهم كل عطله صيفيه وحين يجتمعون سترون بأنفسكم كيف يحمل كل فرد من افراد هذا البيت قصه خاصه به يعيشها لوحده يتألم يصرخ لا يشعر به احد سواكم انتم لانكم ستعرفون كل شئ من خلال الاسطر القادمه ..

11:55pm
(غرفة شوق واريج)

العطله السنه هذي ماجتمعت العائله وكان البيت شبه فاضي وشلة البنات هالمره ناقصه كثير والبيت مافيه الا الجد والجده وبناتهم ام سيف وام مازن وشوق واريج إلي دخلو غرفتهم وقربو اسرتهم جنب بعض وجلسو بصمت تام ولا وحد تتكلم بيدينهم اجهزتهم وداخلين النت اريج داخله منتدى اضواء الكويت وشوق فاتحه الماسنجر
والغرفه يعم فيها الهدوء ومايسمعو الا صوت نقر اصابعهم على لوحة المفاتيح .
كانو اجمل بنتين في العائله بس اريج تتفوق على شوق بالجمال .

البطاقه الشخصيه
الاسم:شوق سامي المحروسي
العمر:21سنه
المهنه:طالبه في الجامعه الامريكيه بلبنان
الحاله:غير متزوجه
عيوبها:تحب الجمال بشكل كبير وماتحس انه احيانا يخدعها

شوق(بنت متوسطة الطول ضعيفة القوام بشرتها بيضاء تميل للأصفرار لانها ما تتعرض لشمس كثير ودوم تجلس في البيت وعيونها الكبار السود مرابطه مع الافلام والمسلسلات انفها طويل ومتفتح على خفيف وشفايفها رفيعه وصغيره ومو عاجبتها تتمنى تكون شفايفها مثل بنت خالتها اريج مرتويه ولونها وردي جذاب بس تتميز بجمال بشئ واحد وهو شعرها الاسود الطويل والناعم, وهي الحين ترجعه ورى اذنها وتقرب من الشاشه عشان تشوف من إلي يحاول يتصل فيها فيها من كم يوم وهي تعطيه رفض بس اصرار المتصل عطاها فضول تعرف هويته وتقبل الاضافه )
فتحت الماسنجر ودار بينها وبين المتصل هذا الحوار