عالم البنات النسائي كل ما يخص المرأة العربية من ازياء وجمال والحياة الزوجية والمطبخ
أنثى حقيقيه أنا وأنتي وهي …لدينا المقومات الأنثويه الكامله اللي تقودنا للكمال الجمالي والأهم الأخلاقي..تعثرت خطواتنا بعائق السمنه القاتله …فما تداركنا هالعثره وصرنا من نقابل اي صعوبه نستسلم بدون أي مقاومه
اليوم أنا شابه في بداية الشباب الحقيقي وهو بداية العشرينات أمتلك قوه عقليه..جسديه..حيويه..جمال..أخلاق..خفة الدم..ولكن رغم كل هالمميزات بنظرة صادقة وصريحه لجسمي أمام المرايه انهزم وتنطفى شمعتي ..
أنهار بدون سابق انذار لما رأيته في نفسي من إعاقه جسديه أنا المتسبب بها وللأسف انا وكثير غيري مستخبين وراء الحاجز ونلوم غيرنا بهالأعاقه الجسديه هرمونات..وراثه..هوايه..الخ
مصدومه جدااااا أنا لما وصلت له بوزن مجنووووووووون وصل ال100 خلال 20 سنه وصلت وزني 100 وخلال يوم ابيه يوصل 60 هل انا أنسانه واقعيه!!!
طبعا لا وأطلب طلب تعجيزي ومستحيل علشان اضل وابقى اراكم دهون وامنع نفسي من المتعه الحقيقيه من صحه وجمال نفسي وجسدي وحيويه وثقه بالنفس..كثير منا دبدوبات واجتماعيات وملح الجلسات ولكن لم نروح الأسواق كيف هي نفسياتنا تحت الصفر0%
بدأت أنا بدايه حقيقي مع نفسي واتمنى اكون قدها واستمر مو مثل باقي السنوات ابدا بالشهر بالشهرين وبعدها كنك يابو زيد ماغزيت طبها يوم مفتوح…يوم عيد..يوم استقبال…بالله انا وين عقلي يعني طول السنه وانا اكل ليه بهالمناسبات انقض عالأكل مثل المجنونه هل فقدت عقلي وصوابي هل تقاليدنا تحتم علينا مانقوم الا خلاص مافي مجال للنفس..!!!
بخطوات ومراحل عقلانيه رح نوصل هدفنا مو مهم ناخذ شهر لو شهرين لو سنه المهم نلاقي نتيجه شهريا عالاقل مو بالميزان اللي حولنا بينبهونا تراك نحفانه…هالشهر مانزلتي او هالاسبوع ثابت وزنك الاسبوع الجاي يتحطم وينزل دبل هذا مو حكيي هذا حكي الواقع
كلام كله واقع في شخصياتنا مانعرف نسوي شئ بمراحل او بصبر وبعزيمه كل شئ نبيه سريع ماعندنا تأني بشئ وأنا اولكم..كلامي جارح ولكن هذا واقعنا رضينا ام ابينا..وامثله كثيره تثبت لكم كلامي..
خلي تجي بنت تقول لقيت خلطه تنحيف ماشاء الله الردود توصل الف وبننفجر اللين نعرف الخلطه طيب وبعدين ..نسويه يوم يومين لا ماتنفع مابانت النتيجه….نسمع عن اخصائي تغذيه ايوى بنروح ونفتح ملف وتحاليل بس اول اسبوع ثاني اسبوع يؤؤؤؤؤؤؤؤه تعبنا محرومين من كل شئ!!!
والا خلنا نسمع عن حبوب منحفه والله لو 1000 ووضعك المادي مايسمح مستعده تتسلفين وتجيبينها وتبلعين يوم يومين ثلاثه …والكريمات..والمشدات..والخلطات ..كل شئ نفس الشئ
يا أختي كل شئ بالعجله والسرعه مايجي بالصبر والتاني نحقق اللي نبيه ليه بسرعه ننكسر ونضعف متى بنقو انفسنا انا وانتي وهي مو ناقصنا الا لحظه صراحه مع انفسنا عشان نحقق هدفنا
مع تمنياتي للجميع بالرشاقه والصحه والعافيه
دلع طفوله حصريا لمنتدى الفراشه النسائي
