عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اليوم حبيت احط حلم اخوي اللي اصغر مني لانو يتعلق فيني وياريت لو يتفسر بأسرع وقت ممكن
في اشياء حابه اقولها تتعلق بالحلم ويمكن تساعد في التفسير
انا ملكت من شهرين تقريباً وحاليا مافي اي اتصال بيني وبين زوجي صار لنا على هالحاله اسبوعين لاننا حننفصل بس لسا ماصار الطلاق لانو مافي حجز في المحكمه غير بعد عيد الحج
الحلم اللي حلمه اخوي انه يكون مع زوج اختي في سيارة بابا وهما ماشيين توقف قدامهم سياره كانت السياره جداً رائعه بس ماعرف نوعها قام زوج اختي يقول له انزل من السياره وشوف مين اللي وقف قدامنا بها الطريقه
نزل اخوي من السياره واول ماراح يكلمهم فتحو ابواب السياره وهربو منها شخصين
واحد فيهم يصير زوجي اللي ملكت عليه وقلت لكم عن وضعنا بها الفتره
بعد ماقطعو مسافه رجع الشخص الثاني اللي مانعرف مين هو واعطى اخوي مفتاح السياره اللي نزلو منها وشوية اوراق
قام اخوي اخذ الاوراق وشاف انو السياره مكتوبه باسمه
قام غير كل شي وخلى السياره بإسم زوج اختي اللي كان راكب معاه واعطاه هيا
بس زوج اختي رفض ياخذ السياره قام اخوي يقول لبابا خلاص انا حشتريها منو لانها باسمو واشتراها منو
طبعاً الحلم طويل انا مايهمني كل التفسير بقد مايهمني اعرف علاقة زوجي والرجال الغريب بالموضوع
بالنسبه للاشياء اللي ممكن تساعد في التفسير
اخوي اللي حلم الحلم اصغر مني (13 سنه ) طالب وحالته الدينيه عاديه ووقت الحلم كان قبل مايصحى لصلاة الفجر يعني في منتصف الليل
واعتذر عن الاطاله
وجزاكم الله خير مقدماً
